İron və ermənistanı prezidenton işarə 2 qılə məmləkəti təvafuğnaməon icra kardeyu.

İron və ermənistanı prezidenton zinə İravan şəhrədə de qıləy bəyonoti bə 2 qılə məmləkəti ciddiyə niyyət 2 tərəfə məntəğə iyən beynəlxalğə səthədə həmkarətion inkişaf doeyu işarəşon karde.

Bə prezidenti məlumatərosnə mərkəzi elanon əsosi ironi president Həsən Ruhani və Ermənistanı president Serj Sarkisiyan İrəvan şəhrədə zinə təşkil doə vindımonədə ticari enerji  nəğliyyat rabitə iyən texnoloqiya həmçinin sənaye və ixtisadi coqlə baxşonədə bə 2 qılə məmləkəti həmmə təvafuğon icra be zərorəti işarəşon karde.

İron İslam Respublika president məntəğədə bə mutəmadiyə sulh iyən əmniyyəti əhəmmiyyəti işarəş karde və votışe: məntəğədə bə munağişəon de sulhinə roon həl karde xoto iyən de radikal və xışmqinə hərəkəton mubarizə bə mırəkəbə həmkarəti ehtiyaci heste.

Həsən Ruhani və Serj Sarkisiyan həmçinin 2 qılə məmləkəti ticariyə heyəton mıştərəkə iclosədə  iştirakışon karde.