Amerkə çı İroni sepah dıyo ğıvvon ğudrət və ğabeliyətiku oğoe.
İroni sepah təşkilati sıxənəvot bə Fars dıyoədə İroni sepah dıyo ğıvvon strateqiyaon əvəz nıbey işorə və təkidış karde: Fars dıyoədə İron və Amerkə miyono dave və dim bə dim mande kam bey illət ıme ki əvon de İron dim bə dim bey nəticəku oğo bıən.
Qeneral Şərif votışe: dəvardə soronədə ki sepah dıyo ğıvvon tərəfo Fars dıyoədə xarıci qomion manitorinq və kontrol karde əncom be, ım dıyo və Hormoz tanqədə votımon çı İron və xarıci qomion miyono əncom bəy.
Sepah təşkilati sıxənəvot əlovəş karde: İron və Amerkə dıyo ğıvvon həm vey kərə yande dim bə dim bıən ki oxonə kərə de çəvon təcavoz və ğanun de areştə, Amerkə hərbion dəstqir bey və oxoy sə çəvon ozr tələb karde bois be.
Qeneral Şərif təsdiğış karde: ım hadisə bəpeştə Fars dıyo məntəğədə Amerkə hərbion və dıyo ğıvvon rəftor vey ğanuni iyən mınəzzəm bıə.
Amerkə prezident Donald Trump dəvardə haftə qələy tovitter mesajədə, Fars dıyoədə İron və Amerkə miyono daveon barədə ğeydış karde: ımsornə sori İron və Amerkə qomion miyono dave iyən dim bə dim bey bə sefer rəsə.
