Ruhani:Trampı hədəf İronədə psixoloji canqi icod kardeye.

İron İslam Respublika president Amerkə prezidenti tojə sıxanon məxsusən de İron muzakirə kardeş bə ironi milləti zid pisixoliji canq və Amerkə kanqresi vıjnımonədə bəhrə bardeyuş zınə.

Həsən Ruhani zinə şanqo de ironi millət qıləy bəjiyə TV votımonədə elanış karde bə çəmə nəzə trampı hədəf bəzi sıxanon mincumlə de İron muzakirə karde məsələ bəyon karde ıme ki qıləy pisixiyə canqədə ironi milləti de şək-şubhə dim bə dim bıkə və çəyku  omə manqonədə kanqıresi vıjnımonədə istifadə bıkə.

İron İslam Respublika prezidenti votışe:Amerkə atom sazışiku xaric be bəpeştə saxtə şərayetdə ğərorış qətə və əlavəş karde ısət Tramp de İron muzakirə karde məsləhəti bəyon kardeədə cəht kardə dasiku doə etıbori tojədən bə dast biyə və ıştəni ironi milləti dust nışon bıdə.

Ruhani bə ironi zid Amerkə məsul şəxson sıxanon və 2 dimə hərəkəton vədə bə ironi milləti əhəmiyyət nıdoe işarəş karde və votışe: dəvardə 40 sori təcrubə bə çəmə millət omotəşe ki amerkəvıjon har qıləy fırsətiku bə ironi millət zərbə jeyu istifadəşon kardə.

İroni prezidenti votışe:ə kəs ki idda kardə bə muzakirə karde meylış heste bəpe bızno ki muzakirə 1 minnə əsos sədoğəte,əmmo çəmə vədə kəsi heste ki muzakirəku bə kəno beynəlxalğə təəhodon mincumlə parisı muğavilə iyən ticari və atom sazışiku xaric bə boçimi xoto de jıqonə şəxsi muzakirə kardeyu dılbaste be foydə koy.

Tuhani eyne holədə bə ironi zid Amerkə ğeyre ğanoni və zılminə sanqsiyaon tojə devrə təşkil be bəpeştə mıxtəlif baxşonədə mincumlə ixtisadiyə baxşonədə bəzi problemon həl kardeyu devləti bərnamonku qəpış jə və votışe:yəğinın bıbo ki devlət ixtisadi mudiriyət karde iyən problemon həl kardeyu coqlə ğıvvon kənoədə ıştə həmmə ğıvvəku istifadə bəkay.