Zərif:"Tramp","Muhəmməd Bin Səlman" və "Netaniyaho" dınyoədə xışmqinəti və həxi poymol karde simvolin.

İroni xarici koon vəzir,Amerkə president Donald Tramp,ərəbıstonı vəliəhd Muhəmməd Bin Səlman və sionist rejimi 1 minnə vəzir Benyamin Netaniyahoş ,dınyoədə xışmqinəti,həxi arəkubarde, etosne iyən be etımodi simvolış zınə.

Muhəmməd Cəvad Zərif bə avqosti 8 nə ruj  jurnaliston ruji nez be mınosibəti jurnaliston cəmədə votışe:ımruj dınyoədə həmmə Tramp,Netaniyaho,və Bin səlmanı bə çərçivə eqıneku qəpış jə və votışe: ım 3 nəfər bə beynəlxalğə ğərolon əməl nıkarde xoto,fələstinı milləti həxi ləğv karde iyən ironəfobiya siyasəton xoto dınyoədə bə çərçivə eqıniyən.

Zərif bə amerkəvıjon məsləhət de İron muzakirə karde həxədə işarəş karde və votışe:amerkəvıjon atom sazışi ki İ bə milləton təşkilati əmniyət şura və dınyo xəyli məmləkəton əy ğəbul kardən əhəmiyət dodə ni və çəyku xaric bedə və jıqonə şərayetdə idda kardə muzakirə karde əhle.

əv bə Amerkə və sionist rejimi rəsmi şəxson fəaliyət de ironi millət əlağə icod kardeyu işarəş karde və votışe:əqər şımə de ironi millət əlağən heste ya əvonın pidə boçi 1 minnə sanqsiya ki təşkilın karde təyyarəon sanqsiya be?

Zərif votışe:ımruj bə ironi zid sanqsiyaon oqırdıne ruje və əlavəş karde ım sanqsiyaon ironi milləti piyo heç qılə əsər nibənoy və venə pisixiyə cəhətonış heste.

İroni xarici koon vəzir eyne holədə bə ironi zid deşmenon fitnəqərə hərəkətonku işarəş karde və votışe:əviki sionist rejim və ironi bəzi xumə hamsuyan bəştə xumə xiyoli əsosi çəy nabod kardeyu bə hərəkətin ironi nomo qıləy məmləkəti  mucudiyəti nabod kardeye ki ım baxşədə həm ociz bəmanden.

Zərif ,ironi millətış,islamiyə Respublika  zumandəti dəlilış zınə və votışe:deşmenon ixtisadi və təbliğatiyə təziğon nibəzne İron İslam Respublika siyasəton əvəz karde.

ironi rəsmiyə təğvimədə avqosti 8 nə ruj jurnaliston ruj nom noə bə.