Tehroni cumə nımoji xətibi votışe:Hələb şəhri ozodəti terroriston tərəfdaronış bə çərçivə eğandə.
Tehroni cumə nımoji xətibi votışe: muğavimətı səbarzəti iyən Suriyə Hələb şəhri ozod karde terroriston və çəvon tərəfdaronış məntəğədə bə çərçivəş eğandə.
Huccətul islam Kazım Seddiği tehroni ım haftə cumə nımoji xutbəonədə Suriyə Hələb şəhri ozod be mınosinəti təbrikış vote və ıştə sıxanon dəvomədə əlavəş karde Hələb şəhrədə muğaviməti cəhbə səbarzəti nışonış do ki məntəğəku bə kəno yolə ğıvvon iyən təkfirion məntəğədə dıştə tərəfdaron natə pul iyən dollaron nıznəşone cəmaəti muğaviməti vədə mande .
huccətul islam Seddiği Suriyə Hələb şəhrədə bə dast omə səbarzətiş islamiyə hukuməti səbarzətiş zınə və əlavəş karde Hələb ımruj pokə hərəmiku mıdofiyə kardə şəhidon xuni ğeymətədə ozod bə.
huccətul islam Seddiği həmçinin bə Bəhreynı məzlumə millət vəziyyət iyən dınyoədə insonə həxon iyən ozod sıxan karde idda kardə kəsonku işarəş karde və votışe:bəhreynıjon fəğət ozodə holətədə qəp jəe iyən ıştə etiğod və şəxsiyə həxon domoədən əmmo ım məmləkətdə hakim bə rejim ne ım ki bə çəvon tələbon diğğət dodə ni bəlkə məçiton və huseyniyəon xərob kardə və çəvon şəhrvandəti həxi ləğv və əvoni zindoni kardə.
