İroni prezident: İroni millət de vəhdət, ibemoni və muğavimət dışmenon xəbisə plani xonsa kardeşone.
İroni prezident Həsən Ruhani ımruj dıvlət haftə 2-nə rujədə İroni nizomi təsisəkə mərhum İmom Xomeyni(r)-i pokə hərəmədə votışe: İron karde zınəş be ətom enerji təşkilatədə çı sionistə lobbion iyən İroni nizomi dışmenon xəbisə planon məğlub bıkən.
Ruhani ısətnə əyyomi xarıci kişvəron vədə çı İroni saxt və probleminə rujon zınəş be və əlovəş karde: deşməni vədə moğavimət karde çı milləti vəzifəy və be şək de vəhdət İroni millət çok həmmə problemonku rəddə bəbe.
İroni prezident təkidış karde: ımruj həm bəpe ijən çı İmom Xomeyni(r) metod və şivəədə mortaliə kəmon; həmonə roy ki İmom bə millət yodış do.
Həsən Ruhani de dıvlət kabineti bə i co ımruj İronədə bıə dıvlət haftə 2minə ruji mınoysti İroni nizomi təsisəkə, mərhom İmom Xomeyni(r)-i pokə hərəmədə de vılə dastə təğdim karde iyən fatihə hande ijən de ə həzrəti simvol və hədəfon ıştə əhd-peymoni bastəşone.
Bə İroni nakonə prezident şəhid Muhəmməd Əıi Recai və iminə vəzir şəhid Muhəmməd Cəvad Bahonər ehtırom karde xoto çəvon şəhvətə əyyom İronədə dıvlət haftə nom noə ki əvon 1981 sor de mınafiğin terroristiyə qrupi əməliyoti şəhid bıən.
