Aşuraye Huseyni əzadariyə mərasim islami inğilabi yolə rəhbəri huzurədə bərpo be.
Aşuraye Huseyni(ə) şəvi matəmə mərasim de İslami inğilabi yolə rəhbəri,məsul şəxson və əhlebeyte esmət və təharət(ə) çandə həzo aşıği iştirak kardeədə mərhum imom Xomeyni huseyniyədə bərpo be.
4 şanbə şəv ım mərasimədə huccətulislam vəlmuslimin Ali bə kərbəlo əzəmətinə hadisə işarə kardeədə votışe:Həzrət imom Huseyn(ə) imon və yəğin jıqo be ki Həzrət Aşura ruji həmməysə oromə şəxs be və ım yolə hadisə I zərrə həm həzrətış pərişon nıkarde.
Huccətul islam vəlmuslimin Ali əlavəş karde tohidiyə diyədə məğlubiyəti və naomidi vocodış ni və eyne holədə ki mığəddəsə mudafiədə rəzməndəon bə Xıdavəndə xalıği dərqo təvəkkul kardeədə ilahiyə koməkon cəlb kardeyu nəhayətdə bə fəaliyət və mucahedəti oko dodə bin ,ımruj həm ixtisadiyə problemonku dəvarde sır və deşmenon məkri vədə bə ğələbə nail omeyu həminə bovəy.
