Ərbəine Huseyni(ə) zairon rohətə şe-ome kardeyo ironi sərhədiyə ğıvvə tədbir.

İron İslam Respublika polis ğıvvədə bıə sərhədiyə ğıvvon fərmondə Ərbəine Huseyni(ə) zairon rohət şe-ome kardeyu iyən bəvon xıdmət rosneyu Mehran,Şələmçe və Çəzzabeə sərhəddonədə sərhəddiyə ğıvvon hozzı mandeku xəbəş doə.

Bə İRNA xəbon əsosi İron  İslam Respublika sərhəddiyə ğıvvon fərmondə qeneral mayor Ğasım Rızayi Ərbəine Huseyni(ə) piyodə şemonış islam dınyo əzəmətinə hərəkətış zınə  və votışe: navədə bə rujonədə bə ım əzəmətinə hərəkəti diğğət doe əsosi həmmə imkanon,insoniyə kadron iyən  bə Əbaəbdellah Huseyn(ə) aşığon xıdmət rosneyu hozzı vəziyyətdən.

qeneral mayor Rızayi ironi cənub şərğ Sistan və Bəluçestan ostani Mircavə sərhəddiyə royku vindımon karde xoto əyu huzurış hest bı de jurnaliston təşkil doə musahibədə əlavəş karde sərhəddiyə ğıvvon fəxr ıme ki sərhəddonədə bə Əbaəbdellah Huseyn(ə) zairon xıdmət kardən.

İron İslam Respublika sərhəddiyə ğıvvon fərmondə eyne holədə votışe: Mircavə sərhəddiyə mərkəzədə bə pakestaniyə zairon xıdmət bəbe.