Vəhdət haftə bino bə və de islami əzizə peyğəmbər(s) viladəti sorəqardışi mınosibəti təbrik votdəmon.
Imruj 3 şanbə hicri ğəməri 1440 nə sori rəbiul-əvvəli 12 bərobər de milady 2018 minnə sori noyabri 20 bə rivayəti əsosi islami əzizə peyğəmbər həzrət Muhəmməd Mustəfa(s) viladəti sorəqardış və vəhdət haftə təşkil bə ruje.
Sınnion Rəiul-əvvələ manqi 12 minnə ruj və Şiəyon ım manqi 17 minnə ruji İslami əzizə peyğəmbər(s) viladəti sorəqardış zındən.
İron İslam Respublika təsisəkə mərhum İmom Xomeyni ki ıştən islam dınyoədə vəhdəti nido rost əkanku be çı məsələku islamiyə qrupon vəhdət və nez beku istifadəş karde və Rəbiul-əvvəli 12 desbə 17 minnə rujiş Vəhdət haftə nomış no.
ım haftə çokə fırsəte ta islam dınyo vəhdəti zərurət məxsusən ım zəmonədə ki pore fitnə və usyaniku de veyə diğğət təhğiğ bıbo.
hərçənd mıslmonon mıxtəlif məzhəbonədə bəzi nəzəron və əhkamonədə ixtilafışon heste əmmo ve iştirakinə məsəlonışon heste mincumlə bovə bə vahidə Xıdo,osmoniyə kitob ,Peyğəmbər(s) və vahidə ğiblə.
eyne holədə mıslmonon bə muhimmə ibadəton əncom doe mincumlə nımoj,rujə ,Həc,Zəkot və coqlə çionədə vahidə nəzərışon heste.İron İslam Respublika telerədyo təşkilat de vəhdət haftə təşkil be mınosibəti ki de islami əzizə peyğəmbər(s) viladəti mahbub bəy ,bə dınyo həmmə mıslmonon məxsusən bə tolışə həmzıvonon təbrik votddəy.
