Pars Today

Imruj şanbə hicri ğəməri 1440 nə sori rəbiuləvvəli 17 bərobər de milady 2018 minnə sori noyabri 25 islami əzizə peyğəmbər həzrət Muhəmməd Mustəfa(s) milady sorəqardış iyən imomət və vilayəti 6 nə ruşnə həzrət imom Cəfər Sadığ(ə) mubarəkə milady sorəqardışe.

İslamiyə İroni mıxtəlif məntəğonədə bıə odəmon şiə və sınni məçiton,ıştə kəon, kuçan və vıjoron təmiz iyən mahbub kardeədə de ranq risinə pərçəmon(boydəğon) və çoon(çırağ) iyən şini baxş kardeədə Xıdavəndə xalıği oxonə peyğəmbər həzrət Muhəmməd(s) səadətinə viladəti sorəqardışışon de  şoə  mərasimon dəvonedən.

İronədə şiə və sınniə mıslmonon əzizə peyğəmbər(s) milad mərasimədə islamiyə omməti vəhdət və həmdıləti ğəşənqətion nışon dodə.

İslami əzizə peyğəmbər(s) və imom Cəfər Sadığ(s) porbərəkətə milady sorəqardışə şəv və ruji məxsusə  bərnamon mincumlə əhle beyte ismət və təharət(ə) həxədə qəp je iyən məddahi ,mığəddəsə vıron məçiton və xiyabanonədə bərpo bedə.

sınnion rəbiuləvvəli 12 və şiəyon ım manqi 17 minnə ruji islami əzizə peyğəmbər(s) viladəti sorəqardış zındən.

İroni İslamiyə Respublika təsisəkə mərhum imom Xomeyni islam dınyo vəhdəti xoto ım 2 qılə tarixi miyonə rujonış vəhdət haftə nomış no.

İron İslam Respublika telerədyo Xıdavəndə xalıği oxonə peyğəmbər Həzrət Muhəmməd(s) və Həzrət İmom Cəfər Sadığ(ə) səadətinə viladəti sorəqardışi bə həmmə mıslmonon ,həmzıvonə tolışon və dınyoədə ozodəti tələb kardəkəson təbrik votdə.