İronədə ərtış dıyo ğıvvon ruj.
Imruj Azər manqi 7, İronıjə peykan hərbiyə qəmi ko əkəyon ğəhrəmanti ofəyə hərəkəti sorəqardışe; qıləy ğəhrəmanti ki bə İraği Bəəs rejimi Əlbəkr iyən Əl-Oməyyə nat sadirəkə porton həmlə karde və həmonə terminalon məhv karde vositə təşkil be; bə həminə mınosibəti xoto İroni təğvimədə Noyabri 28 ərtış dıyo ğıvvon ruj ğeyd bıə.
Həminə əməliyoti bəpeştə Bəes rejimi ğıvvon deməntəğə və istikboriyə kişvəron himoyəon ıştə nat terminalon ozod karde ğəsdış be ki peykan hərbiyə qomi muvəffəğ be nobərobərə canqədə çand qılə çı İraği qomi və təyyorəon məhv bıkə.
Həminə mınosibəti xoto zinə İroni silohinə ğıvvon mərkəziyə ğərorqo fərmondə Muhəmməd Bağıri qıləy bəyoniyə və vositə İronədə ərtış dıyo ğıvvon ruji təbrik votışe və de təkid bə İroni dıyo ğıvvon sulh və dostiyəti peyğom ərosnə siyasəton votışe: İroni mudafiə hərəmi zumandəti deşmənon bevocə hani botil bey bois bıə.
İroni ərtış ğıvvon fərmondə qeneral mayor Seyed Əbdul Rəhim Mosəvi həm qıləy mesajədə ım mınosibəti bə dıyo ğıvvon təbrik votışe.
Zinə və de ərtış dıyo ğıvvon məxsusə bərnoməon həmzəman İroni ərtış dıyo ğıvvon fərmondə, ım təşkilati de İroni inğilabi təsisəkə mərhom İmom Xomeyni(r) ijən əhd-peymon debastə mərasimədə təkidış karde ki İron ısət dıyo səthi jentonədə hərbi təchizaton soxtə baxşədə mıstəğil əməl kardedə iyən de bomiyə ğudrəti əməl bəkay; ım çı təhrim və sanksiyaon məğlub be əlomət və sobotəkəy.
