Pars Today

İroni aliyə sər komandan,İron İslam Respublika deyo silahlinə ğıvvon fərmondəon və məsul şəxson vindımonədə votışe: ha çəxtə karde zındən ıştə zumandətion inkişaf bıdən ta ironi deşmenon hətta ım yolə milləti təhdid karde corətışon həm nıbo.

İslami inğilabi yolə rəhbəri Həzrət Ayətullah Xamenei ım vindımonədə ki azər manqi 7 bərobər de noyabri 28 deyo ğıvvon ruji mınosibəti bərpo be bə cıvon iyən dindarə kadron peştpur beş, məmləkətdə həmmə baxşon,mincumlə  silahlinə ğıvvədə bıə problemon həl karde roş zınə və bə fəaliyəton iyən hozzıətion inkişaf doe zərurəti işarəş karde.

Həzrət Ayətullah Xamenei İron İslam Respublika vədə bə veyə deşmenon iyən rəğibon cəhbə  və səf işarəş karde və votışe:ım həğiğəton vocod iyən nırəsəyon və bə domo mandə çion cubran karde zərurət,nizomi həmmə baxşonədə mincumlə deyo ğıvvədə ve iyən foğəladə koon zərurəti nışon dodə.

İslami İnğilabi yolə rəhbəri silahlinə ğıvvon və məxsusən deyo ğıvvon inkişafış İslamiyə inğilabi əvvəliku desbə ımruj əzəmətinış zınə və əlavəş karde deyo ğıvvə ısətnə nəsl bəştə zumandəti ve nığılə imonış heste və Səhənd nomo bıə hərbiyə kəşti iyən Fateh və Ğədir nomo  bıə zirdəryaeion bə deyo ğıvvə əlavə be ruj bə ruj inkişafon imkoni mıjdıvoni dodə.

Həzrət Ayətullah Xamenei ,İroni silahlinə ğıvvon zumandətion inkişafış bə deşmenon vəyqəte və tars boisış zınə və votışe: İslamiyə Respublika de heçkə canqi bino karde ğəsdış ni əmmo bəpe jəqoıştə zumandətion inkişaf bıdə ta deşmen ne ım ki bə İron hucum kardeku tarsış bıbo bəlkə de vəhdət,zumandəti və meydonədə silahlinə ğıvvon təsirənə huzuri bərəkət, təhdidi sayə həm İroni milləti səyku doəru bıbo.