Zərif:İron de zumandəti Hindostani nati təmin əkəy.
İron İslam Respublika xarici koon vəzir ki bə Dehlino səfərış kardə votışe: İron həmmişə,Hindostani nati təminəkə bə və ijən heste.
Bə İRNA xəbon əsosi Muhəmməd Cəvad Zərif zinə əsrə vaxti Dehlino aeroportədə ıştə bə Hindostan 3 rujə səfəri barədə əlavəş karde İronıjə heyəti məğsəd çı səfəriku Raisina nomo ha sor təşkil bə beynəlxalğə konfransədə iştirak karde və de Hindostani məsul şəxson nəzədə bə məsəlon mincumlə İroni bə Hindostan nat həvate həxədə votımonon xotoy.
İroni xarici koon vəziri votışe: çəmə əlağə de Hindostan hətta Amerkə sanksiyaon bəpeştə çokə əlağə bə və əlavəş karde de Hindostan qıləy çokə bankiyə təvafuğnamə heste ki dəvardə sori pozə fəslədə və sanksiyaon bəpeştə bə imza rəsə və ım təvafuğ 2 qılə məmləkətiyu ım şərayeti hozzı kardə ki həm ixracat həm idxal və həm coqlə maliyə ehtiyacon çı royku təmin bıkə.
