Ğasımi:əqər Avropa bəd əhdi bıkə İron ıştə fiki əvəz bəkay.

İroni xariciyə koon vəzorətxonə sıxanəvoti votışe: əqər avropaiyə məmləkəton atom sazışi vədə bəştə doə vədəon əməl nıkə,İron atom sazışədə,doə vədəon cəhətdə ıştə fiki əvəz bəkay.

İroni xariciyə koon vəzorətxonə sıxanəvot Bəhram Ğasımi de Rosiyaəlyom TV kanali votımonədə Avropa itifaği de İron ixtisadiyə həmkarətion  xususiyə maliyə mexanizmi barədə votışe:hər çənd avropavıjon ım maliyə mexanizmi bə ro dəğandeədə təxirışon bə əmmo İron de mısbətə niyyəton rəftorış kardə.

Ğasımi əlavəş karde avropavıjə məmləkəton və coqlə məmləkəton ki atom sazışədə huzurışon heste pidəşon be atom sazışiku Amerkə xaric be bəpeştə İron ım sazışədə bımando və de qıləy ro,məlum bə maliyə həmkarətionədə bəştə ko dəvom bıdə ta Amerkə sanksiyaon beəsər bıkə.

İroni xarici koon vəzorətxonə sıxanəvoti əlavəş karde İron cəhd bəkay ta Amerkə bə ironi milləti zid sanksiyaon mənfiyə əsəron arəku bıbə,ım zumandəti məmləkətdə heste ta karde bıznəmon Amerkə təxribatinə siyasəton vəy bıqətəmon.

Ğasımi votışe: milliyə zumandəti və ironi ixtisadiyə imkanon jıqoy ki de mıstəğilə məmləkəton koməkəti karde bəzne ıştə zəruriyə ehtiyacon təmin karde və ım mərhələko de zumandəti dəbəvamon.

İroni xarici koon vəzorətxonə sıxanəvoti votışe: İron de Amerkə sanksiyaon mubarizə bardeyu dınyo mıxtəlif vıronədə mıxtəlif roonış heste və fəaliyət kardə de məntəğə məmləkəton ıştə çokə əlağon dəvom bıdə.