İroni Yolə Rəhbər: Amerkə çimiku vey zəif bey holədəy; rəsmi şəxson çı Avropa xəbisə plani vədə huşin bıbun.
İroni Yolə Rəhbər, İroni nizomi vey çokə şərayet iyən istikbor cəhbə iyən Amerkə vəzyəti çəy zəifə şərayetədə zınəş be.
İroni Yolə Rəhbər Həzrəte Ayətullah Xamenei zinə İroni Təbriz şəhri muxtəlifə cəmaəti vindemonədə hamiyəşone: əmə ğafil nimon iyən deşməni rəftoriku oğomon; əmmo həğiğət jıqo subut kardedə ki deşmən ıştə daxıli iyən xarıci bıhranonədə qiriftor bıə.
Ə Həzrət iştimaiyətədə bıhranon, cıvonon nomid bey, ğətl və cinoyət statsikaon, narkotik madon anədə istifodə karde, Amerkə rəsmi şəxson miyono daveon, iyən Amerkə dıvləti ğarzon əcumlə çı Amerkə kişvəri bıhranon hisob və əlovəşon ka: lm məsələon qırd çı Amerkə rəsmi təşkilaton elani əsos təsdiğ bıdə çən ısət əvon Suriyə, İrağ və Əfğanıstonədə jıqo qiriftor beyku ğeyzin iyən əsəbin bıən.
İroni Yolə Rəhbər bə Varşavaədə məğlub bıə iclosi dəvoniyə işorəşon ka və hamiyəşon: Amerkə nodonə be məxə rəsmi şəxson ıştə həmkar dıvləton iyən zəif və tarso və dıvlətonku dəvət kardəşon bən ta ım iclosədə bə İroni əleyh ğərolon barədə sohbət bıkən əmmo çəvon ım plan həm be nəticə be ım çı deşməni zəifəti şonəy və deşmənəkə zəif bıbu əsəbin bıdə iyən fencol bəkay, dejmon dodə.
Ə Həzrət Varşavaədə iclosi məğlubiyət iyən zəvahirədə bəzi mısılmonə kişvəron de sionist rejim bə i co nışte və de Amerkə həmpeymonəti elan karde çəvon be abruçiyəti zınəş be və təkidış karde: ımon ıştə milləti vədə həm be abruin.
Ə Həzrət bə İroni rəsmi şəxson həm tosiyəş karde: ğərbion rəftor iyən hərəkət qırd xəbisə planon çərçivədəy Amerkə vəzyət oşko məlum heste əmmo çı Avropa rəftori vədə mığət bıbun, boçi ki əvon həm de xəbisə plani əməl kardedən.
Həzrəte Ayətullah Xamenei təkidış karde: həmonə ruj ki ım inğilob qıləy zəifə xolə be iyən həmmə deşmənon vəhdət həm İroni məğlubiyəti bois nıbe bə oxo rəsə çən ısət inğilobi bənə zumandə do dəvom karde vaxtədə həm əvon hiç ğələti əncom doe əzı nin.
