Məntəğədə İroni hərbion komilə əhatə; Velayəte 97 hərbi manıvrədə Kuruz rəketon imtivon bıə.
İroni ərtış ğıvvon həmohənqəkə muavin votışe: İroni silohinə ğıvvon çı məntəğə təhdidonku kamilən oğo bey vositə hejo de təhdidon həmohənq ıştəni hozzo kardedən.
Qeneral Admiral Həbibullah Səyari zinə Umman dıyo iyən Hormoz tanqədə Velayəte 97 nomo hərbi manıvri kənoədə təkidış karde: bə İroni zid təhdidon hejo dəvom kardedə çən əvoni məhv kardero bəpe İroni zumandəti iyən mudafiə ğudrət ziyod bıbu.
Qeneral Admiral Səyari ijən votışe: ım hərbi manıvrədə qırd istifodə bıə hərbi təchizaton bumbi iyən İronədə istehsol bıə silohonku hestin.
İroni sepah təşkilati dıyo ğıvvon fərmondə Qeneral Admiral Tənqsiri həm Əhvazədə bə 8 sornə muğəddəsə mudafiə dıvranədə bıə İroni muğavimət işorəş karde və votışe: mudafiə iyən hərbi sahədə İroni ğudrət iyən zumandəti stajış ni.
Əv Asiya ğərbədə deşmənon hərbi huzuri xusosi dıyoədə əmniyyəti məhvəkə amil zınəş be və votışe: İron şəv iyən rujədə çı deşmənon hərəkət iyən fəaliyəton manitor və nəzorət kardedə.
Əv bə Ərəbi kişvəron tərəfo xərc bıə pulon çı xarıci kişvəron hərbi qomion oqəte xoto işorəş karde iyən təkidış ka: ərəbiyə kişvəron tərəfo jıqonə xərcon hiç faxt çəvon əmniyyəti təmin ni bəkay.
Xəbə ome ımruj çı Velayəte 97 hərbiyə manıvri 2 minə rujədə qıləy İronıjə hərbi Ğayeğ, Ğader iyən Ğədir nomo bıə Kuruz rəketon bə mıəyyən bıə hədəfon tərəf ğandışone.
Jıqo elan bıə ki ım rəketon karde bəznin 300 kilometr məsofədə bıə hədəfon məhv bıkən.
Velayəte97 hərb manıvr maştə həm dəvom kardedə.
