Pars Today

İroni Yolə Rəhbər, İronədə hicri 1388 sori Dey manqi 9-nə ruji ğəhrəmanəti sorqardışi astanədə, ım stajış nıbıə ğəhrəmanəti və milləti fikiyə ğudrəti, çı İroni İslamiyə Nizomi zumandəti qıləy simvol və nımonə hisobışon kardə.

İroni Yolə Rəhbər, Həzrət Ayətullah Xameneyi, Dekabri 27ədə ıştə xaric fiğhədə bıə dərsi sıftədə ijən İronədə Hicri 1388 sori Dey manqi 9-nə ruji ğəhrəmanəti sorqardışi astanədə, bə İslam hakimiyəti zidd çı mıstəkbiron əməliyə deşmənəti iyən kin-kudurəton və çəvon cəhd karde İslamiyə nizomi ğudrəti unsuron məhv karde işarəşon kardə və təkidışon kardə: ımruj bə İroni zidd çı istikbariyə ğudrəton plan, çəmə milləti maddi və mənəviyə iradəon məhv karde heste, ijən çəy vədə bəpe həmonə zumandəti hifz və har ruj ziyod bıkəmon.

Həzrət Ayətullah Xameneyi bə İslam dini yolə Pəyğumbər(s)-i qıləy hədison işarəşon kardə ijən dınyoədə bə səadət və xoşbəxtiyəti rəseyo çı ğudrəti xıvand bey sayədə zınəşone iyən voteşone: bənə Amerka mıstəkbirə ğudrəton dınyo səadəti və Amerka erjon çı mol-sərvəton enze karde barədə zındən, əmmo İslam çı bəşəriyəti xoşbəxtiyətış, iştimaıyəti həmməy sahaonədə insoniyə kəmal iyən Ğıroniyə fiki və əməliyə cər'yani xıvandəti zınəşe.

İroni Yolə Rəhbər beyn-əl xalğiyə ğudrəton deşmınətion rost bey qıləy amilonış, məntəğə muxtəlif məsələon barədə bə islami əsas bıə zumand və nufuz xıvand bıə qıləy nizomi vucudiku mıstəkbiron norohət mande hisobışon kardə və əlovəşon kardə: sultə nizom de harcurnə bə zulm və nobərobərətion əleyh hərəkəton muxalife, əmmo zəmoni deştə həmməy əbzar və vəsiləon bə qıləy cəryani zidd rost bəbe ki həmonə cəryan karde bıbu qıləy milləti bənə dıyo hərəkət bıdə.

Ə həzrət bə İroni zıdd həmməy deşmınətion və bevəcə planon rişəş, çı sultə nizomi muxalifət karde de İroni iğtisadi, təbiiyi və insoniyə xəzinəon ijən siyasətədə bıə sıxan və məntiğ həmçınin loyiğə hərbiyə ğıvvon və əbzari soyib bey zınəşon bən və təkidlşon kardə: həminə deşmınçiyəti vədə İron bəpe bəştə ğudrət əlovə bıkə və ım ki anə bə daxiliyə ğudrəti iyən daxilədə bıə ğoyməti ziyod karde təkid bedə bə çəy xoto heste.

Həzrət Ayətullah Xameneyi həmçınin ironi bə muxtəlifə ğudrəton əcumlə fiki, iğtisadi, iştimayi və cəmaəti vəhdət təchiz karde lozim bey işarəşon kardə  və əlovəşon kardə: 40 sor çı İroni İnğilabi bəpeştə, Bəhmənə manqi 22-nə rujədə xiyobononədə çand milyon nəfəri huzur, milləti vəhdət və i kardeku çı İroni islamiyə nizomi ğudrəti qıləy simvole ki dınyoədə stajış ni.

İroni Yolə Rəhbər, İronədə Dey manqi 9-nə ruji yolə aksiyaş çı İroni nizomi ğudrəti qıləy nımonə hısobışon kardə və əlovəşon kardə: çın stajış nıbıə hadisədə hıç kəs ko hozzıəkə nıbu və fəğət fikiyə ğudrət ki  nizomi əsliyə rişə heste cəmaətış bə xiyobonon vardə və həmonə stajış nıbıə hadisə boyis be.

Həzrət Ayətullah Xameneyi həmçınin səadət və bədbəxtiyətionışon çoknə ğudrətiku istifadə karde zınəşone və ətomiyə silahon barədə voteşone: ətomiyə silahonku istifadə nıkarde fiğhi və əğli cəhətonku ğədəğəne, əmmo bə co zumandətion rəsey xoto cəhd karde imkon və zəminə bo dıvlət və millət heste.