De Həzrət imom Huseyn(ə) milad ruji sorəqardış iyən pasdaron ruji mınosibəti təbrik.
İslamiyə İron,şiəyon 3 minnə imom və dınyo şəhidon salar imom Huseyn(ə) milad şəvi sorəqardışədə bə şoə mərasimon bərpo karde şohid be.
Imruj 3 şanbə 2019 minnə sori apreli 9 bərobər de hicri ğəməri 1440 nə sori şəbanə manqi imom Huseyn(ə) viladəti sorəqardış və pasdaron ruje.
şəbanə manqi 3,islam və həzrət muhəmməd(s) şəriəti nığo doeyu yolə şəxsiyəti mıbarəkə milady sorəqardışe ki dıştə nımonə fidokarəti Kərbəlo meydonədə bə dınyo odəmon ozodəti və yoliyəti dərsış do,yolə şəxsiyət ki kərimə ğıron və əzizə islamiku mıdofiyə kardeyu yolə şəxsiyət be.
ironi islamiyə respublika təsis əkə mərhum imom Xomeyni,imom Huseyn(ə) viladəti sorəqardışış pasdaron ruj ya həmon islami nığo doə kəson ruj nomış no ta dınyo şiəyon 3 minnə imomi yoliyəti,ozodəti iyən aqahəti həmmişə əçəy şiəyon və məxsosən islamiyə inğilabi pasdaron olqo bıbo.
İslami inğilabi sepahe pasdaran,ironi islami inğilab və islamiyə respublika nizomiku mıdofiyə kardeədə bənə qıləy təsir bınə silahinə ğıvvə, coqlə yolə fəxronkoy ki həmmişə ironi tarixədə vəşedə.
İron İslam Respublika telerədyo ım mıbarəkə ruji bə həmmə mıslmonon və dınyoədə ozodəti tələb kardə kəson təbrik votedə.
