Əmirəbdullahiyan: yoləşəxə Trampi de zumandəti məğlub bəkamon.

İroni islamiyə şura məclesi məxsusə mışovir votışe: yoləşəxə Tramp fəğət zu məntıği dərəsedə çən əmə həm de zumandəti əy məğlub bəkamon.

Husein Əmir Əbdullahiyan ıştə tijə Twitter mesajədə ğeydış karde:  sulh, dustiyəti, izzət, əğl, məntığ, hikmət və iğtidor de İroni nom bə i vırəy. 

Əv əlovəş ka: çı yodo be məkəmon ki Amerkə zəmoni bə İrağ həmləş karde ki de İ Bıə Milləton Təşlikati nəzorət əbzari çəyku bənav İrağədə həmmə hərbi silahon məhv kardəş be. 

İroni islamiyə şura məclesi məxsusə mışovir votışe ijən nıvıştışe: ımruj məntəğədə bıhranon əcumlə Bəhreyn və Yəmən ijən Ərəbistoni daxıliyə vəzyət bə sionist rejim xidmətəkə Səudiyə rejimi qiriftorış kardə. 

Əmir Əbdullahiyan əlovəş ka: Səudiyə rejim de 37 nəfər ıştə şəhrvandon bə i kərə edam karde nışonış do ki ım kişvərədə hukuməti ğanuni iyən demokratik nı bey qıləy ciddi məsələy. 

​​​​​​