Yaponiyaədə İroni xarıci vəziri muzakirəon.
İroni xarıci vəzir ki bə Yaponiya səfərış karde ımruj de ım kişvəri i minə vəzir Abe Şinzo vindemon iyən ətomiyə saziş və məntəğə mıvzoon barədə muzakirəş karde.
Muhəmməd Cəvad Zərif ım vindemoni barədə bə çokə votımonon dəvoniyə işorə və təkidış karde: ətomiyə muğavilə mənafe oqəte iyən Fars dıyoədə bıhranon kam karde xoto çokə muzakirəon Tehran-Tokiyo miyono əncom be.
İroni xarıci vəzir həm ım kişvəri beynəl xalğ koon təhğiğ mərkəzədə iyən tələbə və ostanon tono İroni xarıci siyasəton barədə sohbətış karde və bə soalon cəvobış do.
Zərif ijən çımiku bənav de Yaponiya xarıci vəziri vindemon karde həm 2 tərəfi əloğəon, ətomiyə muğavilə iyən məntəğə və beynəl xalğ məsələon barədə xuxosi Fars dıyo və asiya ğərb mıvzoon barədə suhbətış kardə be.
İroni xarıci vəzir ki ım səfəri bənav bə Çin şə be ımruj bə Malaziya bəşe.
