Pars Today

İroni nizomi məsləhəti təyinəkə steratejikə təhğiğon mərkəzi sədr votışe: bo Suriyə bohrani həl karde xoto və Astanə şəhri omə mızokironədə, Suriyə devləti silohinə mıxolifon iştirok karde imkan ni.

Bə İrna raporti əsos, İroni nizomi məsləhəti təyinəkə steratejikə təhğiğon mərkəzi sədr, Yanvari 1-ədə(Tehronədə), de Suriyə xarici vəzir Vəlid Mıəllim mıloğot karde cərəyanədə ijən jurnaliston cəmədə votışe: Ğəzağıstəni Astanə şəhri mızokironədə, fəğət de həmonə siyasi mıxolifon mızokirə bəbe ki, bə Suriyə ərazi təmamiyyət və istiğlal bəfodor və etiğadışon bıbon.

Vilayəti təkidış kardə: Hələb şəhri ozodəti bəpeştə, İronədə çı Suriyə xarici siyasəton və əmniyəti yolon huzur, ijən Suriyə-İron və Suriyə-İron-Rusiyə miyono həmkariyon, ve əhəmmiyətış heste.

İroni nizomi məsləhəti təyinəkə steratejikə təhğiğon mərkəzi sədr əlovəş kardə: Hələb şəhrədə Suriyə və Suriyə duston səbarzətion, çı məntəğə bım əsri tarixədə vey yolə səbarzəti hisob bedə.

İşarə kardənine ki, dəvardə sori Dekabri 30-nə rujiku, Suriyə həmməy vırəonədə otəş bast bino be, əmmo bəzi silohinə qrupon əy ləğvışon kardə.

Çı Suriyə xarici vəzir 2ruje ki bə İron omə  iyən de İroni ali rəsmi şəxson, çandə siyasi iyən əmniyətiyə mızakirəonış be.