Elm de mənəvi iyən inğilabiyə hədəfon həmroəti karde zərurəti barədə inğilabı yolə rəhbəri işarə.
İslami inğilabi yolə rəhbəri votışe: qıləy millət və məmləkəti elmiyə inkişafon həmroəti de mənəvi iyən inğilabi yolə hədəfon məntəğə islam dınyo iyən dınyoədə əçəy olqo be şərayeti təşkil bəkay.
İslami inğilabi yolə rəhbər həzrət ayətullah Əl-uzma Xamenei Sənətiye Şərif ali məktəbi elitə iyən medar bə dast vardə tələbəon vindımonədə əlavəş karde maddi veyə inkişafon kənoədə ğərbı mədəniyyəti binovrə sıst be iyən əçəy sısti və fasilə mənəviyyət iyən ilahiyə hədəfon nıbe xotoy.
islami inğilabi yolə rəhbəri votışe: bəzi amerkəvıjə mutəfəkkiron iyən alimony oşkoə holətədə ğərbiyə ictimaiyyət məxsusən Amerkədə curbəcurə fikri elmi iyən əxlaği xətoə roon ailə əsos iyən binovrə arəku şe ruj bə ruj xışmqinə hərəkəton ve be əxlağiyə fəsot iyən ıştəni intihar karde barədə işarəşon kardə.
yolə rəhbəri Amerkə ictimaiyyətədə bə ruj bə ruj bə xışmqinə hərəkəton ve be iyən de silah bə odəm kışte işarəş karde və votışe: Amerkə məmləkətdə odəmkışte iyən silah ve be qıləy ciddiyə problem bəy ki əçəy əloc cəmaəti miyonədə silah istifadə karde vəy qəteədəy əmmo amerkədə silah soxtə mərkəzonədə mafiya nufuzi xoto məmləkətdə hakim bə heyət silahku istifadə karde ğeyre ğanoni elan karde curətış ni.
Həzrət ayətullah Əl-uzma Xamenei muğavemətiyə ixtisadiku çoknə bəhrə bardeş bə məmləkəton hədəfon anqılış zınə. və əlavəş karde ım məsələ ki muğavimətiyə ixtisad ironi dınyo curbəcurə hərəkətonku çı çəmə piyə kəson çı nıpiyə kəson vədə hifz bəkay qıləy ğəbul bə məsələy.
yolə rəhbəri dəvardə 150 sorədə elmi iyən sənaye baxşonədə Amerkə inkişafi dəlilış muğavemətiyə ixtisadi okodoeş zınə və votışe:əlbəttə amerkəvıjon ım fik maddi iyən puli cəhətədə oko doə bə əmmo dınyoədə ım ğəbul bə təcrubəku bəbe mutəaliyə cəhətonədə istifadə karde.
İslami inğilabi yolə rəhbər həmçini votışe:bə ım məsələ diğğət doe əsosi ki elmi istihsali votımon və əçəy nəticon oşko beədə ironədə elmiyə fəaliyyət iyən hərəkəton heç qılə şərayetəndə bəpe sıst nıbo və ya çəy və qətə nıbo bəlkə bəpe de veyə surəti dəvom pəydo bıkə.
