İroni nat vəzir: İroni milləti həxiku mudafiə bəkamon.

İroni nat vəzir votışe: İron ıştə nati istehsaliku i barel həm ğeyri məntıği kaməkə ni.

Bə İrib raporti əsos Bijən Zənqənə Opek təşkilati 177-nə iclosi bənav təkidış karde: ısət İroni nat istehsal vujoriku xaric bıə çən əvoni ki vey nat həvatedən ıştə istehsaliku kam kon.

Zənqənə votışe: İron məxsusə şərayeti xoto ıştə səhmiku vey kam nat istehsal kardedə ki ijən ım miğdoriku kam karde əbe ni.

Nat sadirəkə kişvəron tojə iclos zinə Viyanaədə bərpo bıə; uzv bıə kişvəron və mıttəhidə natə məmlekəton pidəşone nati vujorədə həmohənq siyasəton icra kon.

Xəbə ome tojə iclosi bənav Ağaye Zənqənə de Opek təşkilati rəis və iclosi sərkatib həm vindemonış karde.

Çımiku bənav Viyanaədə bıə beynəl xalğ təşkilatonədə İroni nımoyəndə Kazım Ğərib Abadi həm bə İroni həx huğuği Opek təşkilati muzakirəonədə rioyət bey zərruriyati təkidış karde be.