De Həzrət Zeynəb(s) vilodəti sorəqardışi mınosibəti təbrik.
Imruj 4 şanbə miladi 2020 minnə sori Yanvari 1, bərobər de hicri ğəməri 1441 nə sori cəmadiuləvvələ manqi 5 nə ruj, Həzrət Zeynəbe Kobra(s) moəku bıə ruji sorəqardışe.
Həzrət Zeynəb(s) həmmə zəmonəonədə bo qırd ozodəti tələb əkə iyən de zılm mubarizə bardə jenon və merdonro olqoye.
Həzrəte Zeynəb(s) ıştə əzizə bıvə, dınyo şiəyon 3 minnə imom Həzrət İmom Huseyn(ə)-i kənoədə de mıtəhəcir və mınhərifə cəmaəti mubarizə bardedə be, həmonə cəmaət ki bə islamiku mudafiyə karde xoto Kərbəlo yolə faciəşon icod karde.
Xanım Zeynəb(s) bo həmmə zəmon və dovrani qıləy xanım be, boçi ki Həzrətiədə insoniyə kəromət, Xıdo roədə bandəçiyəti, ədolət tələbi iyən şərafət və ozodəti, həmonə erjonku bə hisob varde bəbe ki bə qıləy məxsusə zəmon ya ictimaiyyəti aid ni.
Həzrəte Zeynəb Kobra(s) vıcud hırdənəti faxtiku, ha ruj islami əzizə rəsul(s) çokə əxlağ və mərefətiku tojə con qəteydə be, ıştə əzizə dədə dınyo şiəyon 1 minnə İmom Həzrət Əli(ə)-i elm və bəloğətiku istifotəş karde iyən Həzrəti ruf çəy əzizə inə Həzrət Fatimə(s) məhəbbətinə dovnədə bə oroməti rəsə.
Im qirami xanım, Həzrət imom Huseyn(ə) şəhodəti bəpeştə, bo dınyo şiəyon 4 minnə imom Həzrət imom Səccad(ə) coniku mudafiyə kardeyro ıştənış məsuliətin zınə, boçimi xoto vey saxtə şərayetədə cinayətkaron və sitəmqəron vədə mande və həzrəti kənoədə dıştə zumandə sıxanon islamı deşmenon rısvoş karde.
İron İslam Respublika Telerədio tərəfo, islami ğəhrəmanə xanım Həzrət Zeynəbe Kobra(s) viladəti sorəqardışi bə həmmə mıslmonon, dınyoədə ozodəti tələbkardəkəson, məxsusən tolışə həmzıvonon təbrik voteydəmon.
