Məntəğə xərabkaranə siyasətonku bəpe Amerkə məhv bıbu.

İroni xarıci vəzarətxonə sıxənəvot İraği hadisəonədə bə Amerkə ziyod tələbion iyən İraği milləti təhğir karde rəftori işorəş karde və votışe: Amerkə ki ijən ıştə səhvə hisob kitobi tikror kardedə bəpe məntəğədə xərobkaranə rəftoriku dast bekəşi.

Bə İrna raporti əsos, İraği şərayet və Amerkə anti İron ittihamon barədə Seyed Əbbas Musəvi votışe: Amerkə əcibə be həyoəti anədə bıə ki İrağədə cinoyəton bəpeştə iyən bə İraği ərazi təmamiyyəti təcavuz karde bəpeştə ısətnə vəziyəti amil və məsoliyəti İron zınəydə və bəştə nadırıstə siyasəton diyə karde əvəzi İroni bənə İraği noəmnə vəziyəti amil bə hisob vardedə.

İroni xarıci vəzarətxonə sıxənəvot Amerkə rəsmi şəxson jıqonə iddeo İraği milləti təhğir karde çərçivədə zınəş be və əlovəş karde: çokə qıləy millət bəpe şımə cinoyəton vədə sukutış bıbu?

Musəvi təkidış karde ki Amerkə i tərəf bə İraği milləti ozodtələbə ruhiyəon be ehtıroməti kardedə və co tərəf bənə işğalçi çı yodış be karde ki çandə İraği Səddam rejimi peştədə be, çandə bə İŞİD koməkış karde və çandə İraği millət və mol-servəti ğarətış karde.

İroni xarıci vəzarətxonə sıxənəvot, Amerkə anti İron ittihamon rədış karde və bə Amerkə notaş do ki məntəğədə ıştə nadırıstə siyasəton isloh karde fikədə bıbu.