İroni islamiyə inğilob, islam dınyoədə Amerkə və sionist rejimi hakımiyəti vədə mane icodış karde.
Tehroni zinə ruji cumə nımoji xətib votışe: İroni islamiyə inğilob Amerkə və sionist rejimi hakımiyətiku islam dınyo oqəte bois be.
Ayətullah Muhəmməd Emami Kaşani təkidış karde: İronədə islam inğilobi səbarzəti həmzəman islamiyə kişvəron və milləton həm Amerkə və sionist rejimi vədə muğavimət kardedən.
Tehroni zinə ruji cumə nımoji xətib, ğərni muğavilə bo Amerkə və sionist rejimiro əsri resoçiti və xar bey nımunə zınəş be.
Əmmo zinə, Tehroni cumə nımoji xotbəon bənav İroni ərtış ğıvvon Avyasiya hərbiçiyon fərmondə qeneral əziz Nəsirzodə notğış be sohbətış karde.
Əv bə məntəğədə Amerkə xərobkaranə hərəkəton işorə və təkidış karde: İroni hərbiçiyon ıştən karde bəznen Asiya ğərb məntəğə əmniyyəti təmin kon çən bə xarıci kişvəron iştiroki ehtiyoc ni.
