General İsmaili: İroni 3700 vırədə, mıdofiyə əkə rəketiyə sistemon noə bən.
-
İroni 3700 vırədə, mıdofiyə əkə rəketiyə sistemon noə bən
İroni Xatəm-Əl-Ənbiya nomo avyasiyə mıdofiyə ğərorqo fərmondə votışe: dəvardə 6 sori mıddətədə, çı İroni 3700 vırə iyən əraziədə, mıdofiyə əkə rəketiyə sistemon noə bən.
General Fərzad İsmaili Yanvari 4-ədə, İroni Ğərbi Azərcaycan ostanədə votışe: de tosə omə 5 sori mıddətədə, həmonə rəket mıdofiyə əkə sistemon mığdor bə 5000 qılə bərəse.
Əv bə ironi silohinə ğıvvon siyosiy koon nıkarde təkid kardə iyən əlovə kardə ki, İroni silohinə ğıvvon hejo bəştə yolə fərmondə ğuş dodən ijən bə şəhidon xun, milləti həx iyən islami mığəddəsə sərzəmini mıdofiyə karde xoto fidokarəti bəkan.
İroni Xatəm-Əl-Ənbiya nomo avyasiyə mıdofiyə ğərorqo fərmondə həmçınin, bə 8 sornə mığəddəsə midofiyə əsrədə İroni avyasiyə mıdofiyə rəketiyə ğərorqo ğəhrəmanəti işorəş kardə iyən votışe: bə İroni zidd məcburi surətədə bıə canqi sıftənə soronədə İrağ 650 qılə təyyarə soyb be ki de tosə canqi oxo im miğdor bə 1130 qılə rəsə, əmmo İroni avyasiya mıdofiyə əkə ğərorqo de mıvəffəğiyəti çın kişvəri 700 qılə hərbi təyyarəon eğandeşe.
