İronədə Beynəlxalğə Ğudsi Ruji şemon dəbəvarde.

“İslamazeri.com” sayt bə İroni media istinadən xəbə doşe ki, Rujəmoə manqi orəxnə cımmə ruji İronədə Beynəlxalğə Ğudsi Ruji şemonon təşkil bəkarden.

Bə İslami Təbliğati dair Koordinasiya Sura Ğuds və İntifazə Ğərərqohi sədr qeneral Ramazan Şərif`i bə Ğudsi Ruji şemoni həsr bıə mətbuatə konfransədə ğeyd kardəşe ki, həmonə ruji İslamə İnğilabi Rəhbər Ayətullah Xamenei Ğudsi barədə votemon bəkarde. Im Koordinasiya Şura sədri əvəz Nosrətollah Lotfiən əlavə votəşe ki, Beynəlxalğə Ğudsi Ruj bə koronavirusi karantini muvafiğ formatədə dəbəvarde, de Koronavirusi Mubarizə Ğərərqohi icazə doə şəhəronədə de əhali ıştə mərami və fəalə iştiraki bənə har sornə təşkil kardə bəbe.

Çe İroni Az.R -ədə Səfarəti Mətbuatə katibi doə qıley məlumatiən bə radioəməson nəzə rosnie vacib zınemone. Həmonə məlumatədə votə bedə ki, İroni quya Bandıkuhə Ğərəboğədə 5 qılə pardi inşa karde həxədə pevolo bıə iddiaon bə həğiğəti muvafiğ ni. Həmonə pardonədə ki, xəritədə çidən, 2 qılə nafkonə vaxton inşa bıən, kanə bıe səbəbiku istifadə bedəni, əmandəyon İroni de Az.R dəbastə muğaviləon əsasədə inşa bıə. 2016-minə sori fevrali 23-ədə Prezident İlham Əliyevi bə İron rəsmiə səfəri vaxti ım dı qılə devləti arədə “Xudafərin” və “Kinon Ğələ” nomədə  hidroşəbəkə və ovə elektrikə stansiya inşa dəvom karde barədə saziş dəbastə bıə, bı barədə AzərTAC-i rəsmi xəbən elan kardəşe. Im obyekton inşa və istismari barədə muğavilə İron İslamə Respublika və Azərbaycanə Respublika parlamenton tərəfo ratifikasiyan bıə. Həmonə pardonən bə ım hidroşəbəkə və elektrikə stansiya komplaksi daxilin. Səfarəti mətbuatə xidməti həmən ğeyd kardəşe ki, İroni de Azərbaycani arədə inşa bıə pardon de ğərəzi təğdim karde dı qılə bəradərə devləton arədə bə xoş niyyəton xələl vardə məğsədış heste, bı səbəbən İİR  Səfarəti jəqo informasiyon ciddi ğəbul nıkarde məsləhət zınəşe.