Pars Today

İslami inğilabi yolə rəhbəri İ bə ərəbə əmirətion devləti hərəkətış de sionist rejim rabitə təşkil kardeyu bə islam dınyo,ərəb dınyo və məntəğə məmləkəton iyən bə Fələstinı muhimmə məsələ xəyonətış zınə.

İslami inğilabi yolə rəhbəri İ bə ərəbə əmirətion devləti hərəkətış de sionist rejim rabitə təşkil kardeyu bə islam dınyo,ərəb dınyo və məntəğə məmləkəton iyən bə Fələstinı muhimmə məsələ xəyonətış zınə.

İslami inğilabi yolə rəhbəri Həzrət Ayətullah Xamenei zinə sıb de vidio konfrans roy de İroni təlim və perosne vəzorətxonə vəzir,muavinon və mudiron iyən rəison 34 nə iclosədə bə İ bə ərəbə əmirətion de sionist rejim rabitə təşkil karde işarəş karde və votışe: ım vəziyyət ve dənibəkəşəy əmmo siyəhə ləkə ə kəson təvilədə  bəmande ki Fələstinı məmləkəti ğəsb karde iyən Fələstinı milləti avərətişon yoddə bekardə və sioniston lınqışon bə məntəğə okardə.

İslami inğilabi yolə rəhbəri İ bə ərəbə əmirətion devləti de sionist rejimi deşmenə hərəkəton iyən Amerkə hukumətdə çəvon odəmon həmkoəti kardeş ki bə islam dınyo və məntəğə məsləhəton zid əncom bedə ıştə təəssıfış  elan karde və əlavəş karde ommidımon heste İ bə ərəbə  əmirətion yolon haniku rəv pebon və ıştə ım ko cobran bıkən.

Həzrət Ayətullah Xamenei ıştə sıxanon coqlə baxşədə məmləkəton təlim və perosne mərkəzonədə nufuz kardeyu bə ğərbion cəhd işarəş karde ki ğərbiyə jimoni metodi dəb karde niyyətdə təşkil bedə və 2030 sənədiku iyən məntəğə bəzi təlim və perosne mərkəzonədə çəvon nufuziku işarəş karde və votışe: ımruj ğərbı ictimaiyətiyə fəlsəfə,ğərbi ıştənədə məğlub bə və çəy fəsotinə simvolon hallivodiku desbə pentaqon kamilən oşkoye.

İslami inğilabi yolə rəhbəri deşmeni nufuzi vədə bə ciddi be işarəş karde və votışe: deşmen ğəsdış heste ə koon ki de hərbiyə roon çəvon əncom doeku ociz mandə de 2030 sənədon və ə insonon tərbiyət kardeədə ki bənə bəvon fik kardən və çəvon hədəfon icra kardən jıqo milləton sərvəton dızdiye fikədən.

Həzrət Ayətullah Xamenei eyne holədə ımsornə sori Məhərrəmə manqi nav 10 rujə əyyamədə İroni milləti əzadarətiş məmləkəti tarixədə nımonəş zınə və əlavəş karde korona xoto şiddətinə məhdodiyəton vocodəndə millət,mucrion və mərsiyə əhandon eyne holədə ki Huseyniyə şur və həyəcanışon hifz kardə və yol iyən mənəviyə qırdbemonışon təşkil do bə protokolon həm əməlışon karde ki bənə əhle beyt(ə) mıridonku qıleni ım əzizonku de səmimiyyəti təşəkkur kardəm