Ruhani: sipiyə kə hakimon insoniyətiku buşon ni.
İroni prezident Amerkə anti İron zalimanə sanksiaon məhkum iyən Vaşiqtoni ğeyri insonə hərəkətonış tənğid karde.
Bə İRİB raporti əsos, İroni prezident Həsən Ruhani anti Korona kamissia iclisədə votışe: Korona behroninə şərayetədə nə ınki Amerkə bə İroni zidd bıə təhrimonış ləğv nıkarde, bəlkəm de maliyə məhdudiyəton Korona vaksəni hıryeyro bə İron doə keriditi vəyış qəte.
Ruhani votışe: hətto dustə kişvəron həm de Amerkə fişar-təziğon dılışon ni ki ıştə bankonədə İroni boloka bıə puli ozod kon və bə İron bıdən.
İroni prezident ıştə sohbəton dəvomədə həmməy problemon jintonədə bıə İroni milləti anti Korona muğavimətonış bə təödiri loiğ bə hisobış varde və votışe: məvuji anti İron mediaon İronədə təhsil nuyə sori dəmeku vey norohətin.
/v b\ İronədə bıə inkişof və ozavziye prossesi de zumandəti dəvom peydo karde təkidış ka.
