Yolə rəhbəri huzurədə Ayətullah Haşımi Rəfsəncani yas mərasim təşkil bı.
İroni nizomi məsləhəton təin əkə təşkilati bə rəhmət şə rəis Ayətullah Haşımi Rəfsəncani yas mərasim islami inğilabi yolə rəhbə Həzrət Ayətullah Əl-uzma Xamenei tərəfiku mərhum imom Xomeyni huseyniyədə yolə rəhbəri huzurədə təşkil be.
Im mərasimədə Ayətullah Haşımi Rəfsəncani ailə uzvon iyən nezə odəmon ironi president məclis iyəm məhkəmə rəison keşvəri və ləşkəri rəsmi şəxson və mıxtəlif qruponku bə cəmaəti huzurışon hest bı.
həminə mərasimədə ğıron handə kəson kərimə ğıroni təlavət kardışone və əhle beyt(ə) zakiron məddahişon karde.
Ayətullah Haşımi Rəfsəncani cənazə zinə islami inğilabi yolə rəhbər Ayətullah Əl-uzma Xamenei tərəfiku meyyet nımoji hande bəpeştə islamiyə ironi milləti milyoniyə huzurədə təşi və İron İslam Respublika təsis əkə mərhum imom Xomeyni pokə hərəmədə dəkandə be.
Ayətullah Haşımi Rəfsəncani təşi karde mərasim kişvəri və ləşkəri ali rutbəinə şəxsiyyəton iyən tehronədə bıə bəzi xariciyə məmləkəton səfiron huzurədə bərpo be.
