Avropaədə bə universiti tələbəon İslomi assosiasiya ittifoği iclos, İslomi İnğilobi Yolə Rəhbəri mesaji mehvəron
Həzrəte Ayətullah Xamenei , bə Avropaədə universiti tələbəon İslomi assosiasiya ittifoği 58 minnə iclosi qıləy mesaj ğəlibədə de işorə bə dınyo ısətnə mırəkkəbə məsələon, yolə məsələonədə de bə ənqizə, imon və bəştəni təkyə kardey vositə, bə ım universiti tələbəon təsir noey və rol ifo kardey təkidış kardə.
Bə Avropaədə universiti tələbəon İslomi assosiasiya ittifoği 58 minnə iclos,İslomi İnğilobi Yolə Rəhbəri mesaj vey kırt be əmmo çand qılə muhimmə maddə və mehvəri soyb be.
İminnə mehvər ım be ki bə universiti tələbəon İslomi assosiasiya ittifoği İslomi İnğilobi Yolə Rəhbəri diyə, təşkiloti və cəmi diyə be. jığo diyə və nəzə siyosi və təbliği fəaliyətonro bə təşkiloti və cəmi zərfiyəton bənə etığod və bovə b hisob omeydə. bə həminə əsos həm İslomi İnğilobi Yolə Rəhbər, məntəğə və beynəlxalğə yolə məsələonədə bə ım ittifoği təsir noey təkid kardışone.
Co qılə mehvər ım be ki İnğilobi yolə Rəhbər bovəş heste ki mısılmonə universiti tələbəon erjinə sərmoyə bə hisob omeydən ki de ənqizə (motivasiya), imon və bəştə etımo kardey karde bəznen yolə məsələonədə əktivə rol ifo bıkon və ya bə Rəhbəri Yolə məğomi təbiri əsos, dınyo tojə və kanə zəxmon və vey muhimmə məsələonədə vey muhimmə roli ifo bıkon.Çən İslomi İnğilobi Yolə Rəhbər həm bə universiti tələbəon İslomi assosiasiya ittifoği həm fərdi zərfiyət və həm cəmi və təşkiloti zərfiyət təkid kardışone.
Bə mısılmonə universiti tələbəon İnğilobi Yolə Rəhbəri mesaji 3minnə mehvər, bə dınyo vey muhimmə məsələon ğərbi dınyo be. bə Həzrəte Ayətullah Xamenei nəzə əsos, dınyo vey muhimm və tojə məsələ, Ğəzzə mislış nıbıə fociəe. bə İnğilobi Yolə Rəhbəri təbiri əsos, Ğəzzə fociə, ğərbi sivilizasiya, ğərbi siyosətçiyon, ğərbi iştimai, siyosi və əxloği məğlubiyət be.İnğilobi Rəhbəri ım təbiri səbəb, bə Ğəzzə milləti ələyh qenosidi ğəlibədə sioniston cinoyəti xotoe. xususi ım ki Ğəzzədə çand da həzo jen və hırdən de sionist rejimi cinoyəton vositə bə şəhodəti məğom rəsəşone ya zəxmin bıən və de bə Ğəzzə humanitarə koməkon varid bey vəy qətey vositə, vəşyəni zəminə icod kardışone.
Ğərbi devləton və rəsmi şəxson oşko və rəsmi surəti ım cinoyətonku himoyə karde və bə Telaviv harcurnə modi və siloh koməkon əncom dodən iyən sioniston cinoyəti vəy qəteyro dınyo təşkilotonədə harcurnə hərəkəti əncom doey mane bıən.
Bə Avropaədə universiti tələbəon İslomi assosiasiya ittifoği 58 minnə iclosi İslomi İnğilobi Yolə Rəhbəri mesajədə ço minnə mehvər demokratiya liberali tənğid be. Ğərbi demokratiya liberal, insoni həxonku xususi ədolət və sıxani ozodiku himoyə kardey iddioş heste əmmo dınyo sənədinə şoydon nışo dodə ki ım ğanunon və prinsipon fəğət sıxanədə bəyon bıdə və əmələdə ğərbion vıjniyə və beədoləti nəzəşon heste. Ukrayna və Ğəzzə behronon miyono farğ noey həm təsdiğ kardedə ki ım ğərbi demokratiya liberali vıjniye diyəe. həminə cəhətədə İslomi İnğilobi Yolə Rəhbər bə "iğtisodi və iştimoi ədoləti mevzu cəhəto çəvon maqborə ğəflət və sıxani ozodi icod beyədə çəy iddioəkəyon demokratiya liberali ocizəti" təkid kardışone.
İnğilobi Yolə Rəhbəri mesajədə oxonə mehvər və nuktə, Avropa və Amerkədə bə milləti etırozon xususi universiti tələbəon etırozon işorə kardedə ki Həzrəte Ayətullah Xamenei ım etırozon ısətnə dınyo vey muhimmə məsələonku unvan kardışone. İnğilobi Yolə Rəhbər ım hodisəku bənə " kam nurə şolə əmmo umuəbaxş" yodış kardə.
Bə nəzə rəseydə İnğilobi Yolə Rəhbəri ım təbiri hədəf ıme ki ğərbədə bo iştimoi və iğtisodi ədolət iyən sıxani ozodiku mudafiə kardey çok bey umu heste.
Bə ım təhlili sədo quş bıdənən:
