Pars Today

İroni prezident vot;şe: çı İmom Xomeyni(r) dini və siyasiyə ədəbiyot, İslamiyə İnğlabi şuaron ijən bə istığlol və ozodəti rəse hədəfon həmonə İroni İslamiyə İnğlabi dılədə heste.

Həsən Ruhani Yanvari 30ədə İroni İslamiyə İnğlabi səbarzəti 38 minə sor qardemoni astanədə İroni İnğlabi təsisəkə Həzrəte İmom Xomeyni(r) pokə hərəmədə de həzrəti simvolon ujnən əhd baste mərasimədə təkidış karde: İmom Xomeyni(r) çı İslamiyə İnğlabi bə səbarzəti rəse ijən İnğlabi bə inkişof rosniye cərəyonədə de harcurnə silohinə roon muxalif be və həmişə bə mədəni və cəmaəti iradəon mubarizəon təkid əkəy.

Ruhani bə ım nuktə təkidış kardə ki İmom Xomeyni roy çı ozodəti və istığloli roy be və əlovəş karde: intixabat və istiğlalədə bıə ozodətion vey çokə nımunə ıme ki təcridədə məbəmon ijən icozə mədəmon ki co kəson çəmə kişvəri sərnıvıştədə əhotəşon bıbu.

İroni prezident bə ım nuktə işorəş karde ki, İroni millət nə biqanə və xarıcion pərəstış kardedə və ne çəvonku tarsedə, bəlkam çı İroni Yolə Rəhbəri hidayəton sayədə bəştə mənfəəti əsos bə dınyo həmkari karde və çokə rabitəon fik dodə.

Ruhani bə devləti əhd çı İmom Xomeyni(r) roəədə hərəkət karde və çəy siyasiyə ədəbiyoti sayədə bə İroni Yolə Rəhbəri əmr və dəstori əməl karde işorəş karde və votışe: İmom Xomeyni bə qıləy məxsusə əsr və nəsli ayid ni bəlkəm bə həmmə dınyo mısılmonon və ozodtələbon məxsuse.

Ağaye Ruhani çı İroni otəş okışton şəhodəti fidokorəti və conbozəti simvolon hisob kardə və bə çəvon ailə sə bıə səlomətəti doşe.