İnğilabi yolə rəhbər:Fələstinı millət məzlum be vucudəndə zumandin.

İslami inğilabi yolə rəhbəri, Fələstinı millətış məzlum be vocodəndə, zumandış zınə və bə Fələstiniyə cıvonon mucahidət iyən mığaviməti ki icazə dodə nin Fələstinı məsələ yoddə beşo işarəş karde və əlovə karde Ğuds ruj qıləy çokə fırsət de Fələstinı məzlumə millət ıştə həmdıləti iyən vəhdəti elan kardeyu və bəvon ruhiyə doeyu.

İslami inğilabi yolə rəhbəri, Fələstinı millətış məzlum be vocodəndə, zumandış zınə və bə Fələstiniyə cıvonon mucahidət iyən mığaviməti ki icazə dodə nin Fələstinı məsələ yoddə beşo işarəş karde və əlovə karde Ğuds ruj qıləy çokə fırsət de Fələstinı məzlumə millət ıştə həmdıləti iyən vəhdəti elan kardeyu və bəvon ruhiyə doeyu.

Bə yolə rəhbəri dəftərxonə məlumat ərosnə mərkəzi elani əsosi islamiyə inğilabi yolə rəhbər Həzrət Ayətullah  Xamenei zinə əsrə vaxti çan sa qılə tələbə iyən  tələbə təşkilaton uzvon vindımonədə navədə bə vəy omə rujonədə bə Ğudsı beynəlxalğə ruj işarəş karde və ımsornə sori Ğudsı rujış dəvardə soronku bə kənoş zınə və votışe: Fələstinı millət və cıvonon ıştəku yolə fədakarəti nışon dodən və sionist rejim har curə rəzolət və cinayətiku bəhrə bardə və har ğələtə ko əncom dodə və Amerkə iyən Avropa çəyku himoyə kardə.

Yolə rəhbəri Fələstinı məsələ vədə islamiyə devləton əməlonku de şiddəti tənğidış karde və votışe: de təəssıfi islamiyə devləton ve bevəc əməl kardən və hətta Fələstinı məsələku  bə sıxan karde rozi mandə nin və kali bəvonku fik kardən bə Fələstin komək karde ro de sioniston rabitə təşkil kardeye qıləy holədə ki ım qıləy yolə səhve.

İnğilabi yolə rəhbəri dəvardə 40 sori mıddətdə Misrı hukuməti tərəfo bə ım yolə səhvi ro doeku iyən de sioniston rabitə bərpo kardeku işarəş karde və əlovəş karde məqər Misri de sionist rejim rabitə bərpo karde sioniston bə Fələstinı milləti zid cinayətonış kam karde və bə Məsciduləğsa be ehtıroməti kam be bois be ki ısət kali islamiyə devləton pidəşone Ənvərsadatı həmonə səhvə hərəkəti tikrar bıkən?Həzrət Ayətullah Xamenei bə ım nuktə işarə kardeədə ki de sionist rejim rabitə bərpo karde həm foydəş nibəbe votışe: ommidvarim de Xıdavəndə xalıği lutf Fələstinədə ko ağıbət de xəyr iyən xoşi bə oxo bırəso və Fələstinıjon kontrol bəştə sərzəmin və Məsciduləğsa ve rəv bərpo bıbo.

İslami inğilabi yolə rəhbəri bə “əslımandə islam oqarde və təhəccuri rəd karde” iyən Fələstinı məsələş islamiyə inğilabi əsosə məsələş zınə və votışe: hoviyyət(şəxsiyyəti) arəku barde və hədəfon mole 2 qılə əsosə məsələy ki bəpe çəvon vədə huşin bıbəmon əmmo ım ki çı kəsoni şəxsiyyət , hədəf iyən istiğlali arəku barde domoədə hestin və çəxtə muvəfəğ bən ya bə nin ali məktəbonədə koəkan iyən koəzınon vəzifəy.

Həzrət Ayətullah Xamenei dəvardə rujon nisbətədə ım məsəlon  veyə əhəmmiyyəti bəyoni həxədə əlovəş karde ımruj dınyo qıləy tojə beynəlxalğə nəzmi astanədəy ki ım nəzm dınyo 2 cəhətə nəzmi devrani bəpeştə və tək cəhətə dınyo nəzmi nəzəriyə bəpeştə təşkil be holədəy ki əlbətdə ım devrədə Amerkə ruj bə ruj zəif bedə.

Yolə rəhbəri əlovəş karde Ukrayna tojə canqi macəraon bəpe ve nığıl iyən dınyo tojə nəzmi əsosədə muşahidə karde ki ehtimalən nığıl və saxtə prosesış bəbe ki jıqo tojə iyən nığılə şərayetəndə həmmə məmləkəton mincumlə İslamiyə Respublika vəzifə ıme ki tojə nəzmədə aparat və proqrami təminoton mucudəti tədbironədə məmləkəti foydəon iyən əmniyyəti təmin kardyu cəhd  bıkə və bə kəno nımando.

Həzrət Ayətullah Xamenei votışe: jıqo yolə vəzifə əncom doeyu həmməysə yolə məsuliyət bə tələbəon və ali məktəbi fəalon ehdəy və boçimi əsosi ısət ali məktəbonədə fəaliyyət kardə kəsonru fik fən veyə əhəmmiyyətış heste.