Aşura ruji, İron Həzrəte Əba Əbdullahil Huseyn(ə)-i əzo və matəmədəy
Bə Aşuraye Huseyni ruji xoto, İslamiyə İroni həmmə vıron siyoə matəmədən və əzadarəti holədən.
Imruj dışəmbə Hicri Ğəməri 1444 minnə sori Məhərrəmə manqi 10 minnə (Miladi 2022 minnə sori Avqustə manqi 8 minnə) ruj de TAşuraye Huseyni(ə) ruji bərobəre.
Hicri Ğəməri 61 minnə sori Məhərrəmə manqi 10 minnə rujədə, yəni Aşura rujədə,Kərbəloədə dınyo şiəyon 3minnə İmom, İmom Husein(ə) iyən çəy bofodorə əshabon, şəhid bin.
Aşuraye huseyni rujədə, İronədə, məçidon, huseyniyəon və təkyəonədə İron İslam Respublika həmmə Huseyni əzodoron, de əzo mərosimon bərpo kardey çərçivədə, dınyo 3 minnə İmom Həzrəte İmom Huseyn(ə)-i şəhodətə sorəqardışi matəmədə bəmedən və çəy vırə və məğomi qıromi zıneydən.
İmom Huseyn(ə)-i ğiyomi hədəf, dini bəji kardey be, bə çəy xoto, ım əyyomədə, ziyarəte Aşura handey bəbe və bə Hicri Ğəməri 61 minnə sori Aşura yodi xoto, ki İmom Huseyn(ə) zohri nımoji cəmaətə surətədə bərpo kardəş be, Aşura zohri nımoj cəmaət surətədə bərpo bəbe.
