Pars Today

İroni Yolə Rəhbər təkidış kardə: Amerkə dıvlət de təhdid və hərbiyə canqi tikroriyə bəhonə pidəşe həğiğiyə sahə yəni iğtisodiku canqi meydoni əvəz bıkə ijən İroni rəsmion çın həğiğətiku munhərif bıkə.

İroni Yolə Rəhbər Həzrəte Ayətullah Xamenei zinə çı Şərği Azərbaycan ostani çand həzo nəfər cəmaəti mılağatədə dəvardə haftədə bıə İroni Bəhmənə manqi 22 minə ruji yolə aksiyadə İroni milləti əzəmətin, iğtidarin ijən vey de həvəsi iştirak karde çı İroni nizom və inğilabi abro həyo hisobışon kardə və bə İroni milləti ğədrdanəti karde xoto təsdiğışon kardə ki: ımsor ne ın ki daxıliyə aqentiyətion bəlkəm dəvardə soron əksədə xarıciyə kişvəron ijən İroni deşmənon həm ım Aksiyadə milləti əzəmətin iştiraki barde milyoniyə cəmiyəti iborət ijən vey ğeyrətinə huzuriku istifodə və bəy etırafışon kardə.

İroni İnğilabi Lider çı Amerkə dəvardə və tojə dıvləti həğiğiyə hədəfonış bə İroni əleyh təhdid tikroriyə şivə və metodiku istifodə karde işorəşon kardə və əlovəşon karde: ımruj həm bənə dəvardə əsron mizi səpe hərbiyə roon barəde qəpon bəyon bıdə ijən çı Avropa qıləy rəsmion bə İroni rəsmion votedə ki, əqə nebe ətomiyə təvafuğ canqi yəğin bino bıə be və hol ım ki ım sıxan qıləy ojə oşkorə du sıxane və əvon pidəşone çəmə fiki həğiğiyə canq yəni iğtisodiyə canqiku bə hərbiyə canqi tərəf bebən ta kişvəri rəsmion iğtisodiyə inkişof ijən mədəniyə canqiku munhərif bıbon.

Ə Həzrət bə Siya, Mossad iyən İnqiltərə cəsusi və məxfiyə məkəzon fəaliyəton ijən Ğarunon natiyə dollaron xərc bey bə İroni əleyh fəaliyət karde ijən bevəcə atmosferi icod karde xoto işorəşon kardə və voteşone: dəvardə soron mıddətədə və tuli tarixdə çanə təleveziya və rədio kanalon, sosiyal şəbəkəon ijən İroniku fəror karde məğlub bıə xainon bə İroni nizomi təhğir və be abro karde məşğulin əmmo Bəhmənə manqi 22 minə aksiyaədə İroni milləti əzəmətinə iştirak həminə no təmizə atmosferi təmiz kardedə ijən həmmə çırkinə şeyon pok kardedə.

İroni Yolə Rəhbər çı deşmənon səy və cəhdonış İroni nizomi be ğabeliyət nışo doe xoto qıləy be foydə ko və hərəkət hisobışon kardə və əlovəşon kardə: deşmən pidəş dəvardə 38 sori mıddətədə İronədə çandə inkişof və ozavziye vey qədə nışo bıdən ijən cəmaəti nomid bıkən.

Həzrəte Ayətullah Xamenei dəvardə 40 sori mıddətədə əsosiyə sahəonədə İroni inkişof və ozavziyeşon vey odəmi diğğəti bəştə tərəf cəlb əkə hisobışon karde və bə yod vardışon ki: bəzi həminə ozavziyə 100 sori mıddətdə həm əncom ni bəbe və bəbəy rəse imkonış ni.

Ə Həzrət dəvardə tağut dıvrə təhğir əkə dıvrə mığoyisədə İroni milləti vəziyətışon vey de abru həyo ijən İronıjon ğeyrəti amil zınəşone və əvşon çın inğilabi nəticəku hisobışon kardə və təkidışon be: ımruj həmmə kəson bə İroni iğtidor və milləti izzət efırofışone və bə İroni təyin əkə huzur bovəşone ijən oğoin ki təğribən məntəğə həmmə mıvzoonədə əqə İron məbu və iradə nıkə hiç hərəkəti əncom ni bəbe.

Ə Həzrət İronədə ğomi cəhətiku Tırk, Fars, Loor, Ərəb və Bəluçon huzuri vey çokə erjinə fırsət hisobışon kardə və voteşone: deşmən həmişə bə ğomon dılədə çand poəti və təfrəğə soxte fik dodə ta bəştə puçə xiyoli xoto kişvərədə har qədə fırsətiku istifodə bıkə və hol ım ki İronədə hiç curnə təfrəğə ni və cəmaət de yandə vahidə millətin.