Rəisi: İmom Xomeyni(r) bə milləti veyə etığodış hestebe.
İron İslam Respublika prezident təkidış karde: İmom Xomeyni(r)-i diyə bə millət, mərosim kalektivi nıbe, bə milləti vey etığadış be və Xıdo bovəti sayədə və bə milləti xıdmət ərosne bə Xıdo nez bey zəminə zıneydə.
Imruj seşəmbə, və de dıvləti haftə rəsey həmzəman, İron İslam Respublika prezident Sed İbrahim Rəisi iyən çəy dıvləti heyəti uzvon, İslamiyə İnğilobi yolə təsisəkə pokə hərəmədə iştirok kardeşone və de İmom Xomeyni(r)-i hədəfon tojədən ıştən bəfodorəti nışoşon do.
Bə YJC raporti əsos, İron İslam Respublika prezident Sed İbrahim Rəisi təkidış karde ki ımruj bə ım pokə hərəm oməmone ta de İmom Xomeyni(r) əhd-peymon bıbastəmon ki xıdmət ərosnə Xıdoro bıbu, əv ijən votışe: dıvlət etığadış heste ki har vırədə bə millət təkyə ko, muvəffəğ bəbe.
İron İslam Respublika muğəddəsə mudafiədə səbarzəti illəti bə milləti İmom Xomeyni(r) etımo zıneydə iyən votışe: İmom(r)-i ım ko bəpe həmmə kəsonro ulqu ğəror bıqəto.
Rəisi ijən əlovəş karde: ədoləti məsələ bəpe həmmə İroni rəsmi şəxsonro bənə iminnə məsələ bıbu, əqə həminə royədə ğədəm peqətey bıbu, karde bəzne milləti etemo həm cəlb kəmon.
