Pars Today

İslamiyə İnğilobi yolə Rəhbər, Əhle Beyt(ə)-i islami boydəği rost kardeyro, Ərbəyine Huseyn(ə)-i şemoni mecuzə hodisə, Pərvərdıqori irodə nışonə zıneydən.

Bə İslamiyə inğilobi yolə Rəhbəri təşkilati məlumatərosnə mərkəzi raporti əsos, Imruj Şəmbə, bə Ərbəyine Huseyn(ə)-i mınosibəti xoto, universiti tələbəon əzodorəti mərosimədə, İslamiyə İnğilobi Yolə Rəhbər Həzrəte Ayətullah Xamenei hamiyəşe: Ərbəyine Huseyn(ə)-i  şemon mecuzə hodisə de hiç qılə insoni siyasət iyən tədbir muğaisə kardənin ni, və ım Xıdo daste ki de ım yolə nışonə bəşorət dodə ki çəmə roy ruşine.

Həzrəte Ayətullah Xamenei cıvonon pok iyən momenə dılon, dıvo iyən pəndon keyfiyəbaxşi və İlahi hidoyəti əlovə bey zıneydən iyən hamiyəşe: Ərbəyine Huseyn(ə)-i mərosim ki Həzrəte Seyyedoşşohəda barzə boydəğe, ımsor və torixədə, co qılə zəmoniku vey əzəmətin iyən yol bərpo bıə.

Ə Həzrət bə cıvonon tovsiyə kardışone ki ıştə cıvonə dıvrani ğədr bızonon iyən bə İmom Huseyn(ə)-i heyəton bərpo kardey cəhdışon bıbu iyən hamiyəşe: həmmə heyəton bəpe həm Əhle Beyt(ə)-i yodi bəji kon və həm həğiğəton təbyn kardeyro ğərorqoh iyən mərkəz bıbun.

Həzrəte Ayətullah Xameni ijən bə həğiğəton bədxahan və dızdiyə bıə kəsoni veyə cəhdon muhimmə hodisəonədə bənə Ərbəyine Huseyn(ə)-i şemon, işorəş karde və həmmə kəson bəştə məsuliyəton zıney sıforış kardə iyən hamiyəşe: Kərimə Ğıroni 2 qılə əbədi iyən bəji mandə kəlimə yəni bə həx iyən səbr vəsiyyət kardey, həmişəro xususi ımrujiro qıləy əsosi və muhimmə prinsip bə hisob omeydə.

Ə Həzrət, səbr bənə muğavimət, istadeqi, onıqıniyə iyən ıştəni bə çətinə vəziyət nıvindey zıneydən və bə Ğıron iyən heyəti cıvonon hamiyəşone: həm ıştən həxi roy bışən və həm cəhd kənən de curbə curə mohiton bənə universition mohiton  de Xıdo ranqi nurani kardey vositə, co kəson həm bə ım roy hidoyət kənən.

Im mərosimi əvvələdə, əzodorə universiti tələbəon İslamiyə İnğilobi Yolə Rəhbəri nəzdədə de Kərbəlo zairon həmnəva bey Ləbbəykə Ya Huseyn(ə)-i nido handışone.