Bə hınə-mədəniyəti mıştərəkə məhsulon soxtey iyən filmi festivali bərpo bey, İron və Pakistoni təkid.
İroni İslamiyə irşod iyən mədəni vəzir və Pakistoni məlumatərosnə vəzir 2 qılə kişvərədə bə hınə-mədəniyəti mıştərəkə məhsulon soxtey iyən filmi festivali bərpo bey, təkidışon kardə.
Bə İrna raporti əsos, Tırkiyə İstanbulədə İslamiyə kişvəron məlumatərosnə vəziron 12 minnə iclosi kənoədə, İroni İslamiyə irşod iyən mədəni vəzir Muhəmməd Məhdi İsmaili de Pakistoni məlumatərosnə vəzir Xanım Məryəm Urnəqzibi vindemonədə votışe: İron və Pakistoni mıştərəkə torix iyən mədəniyət bois bıə 2 qılə kişvəri miyono mıştərəkə hədəfon icod bıbu, və mediya, mədəniyət və hınə həmkoətion karde bəzne bə ım rabitəon nığıləti komək ko.
Pakistoni Respublika məlumatərosnə vəzir ijən İron və Pakistoni miyono veyə rabitəon ki çəy rişə bə mədəniyət əsose işorəş karde iyən 2qılə kişvəron miyono bə kino və hınə turizm bə inkişof rəsey təkidış karde.
Cari Oktiyabrə manqi 21 iyən 22 minnə rujonədə Tırkiyə İstanbulədə, İslami kişvəron məlumatərosnə vəziron 12 minnə iclos bərpo bey holəyəy.
İslami həmkoəti Təşkilat(OİC) İ Bıə milləton Təşkilatoni bəpeşt, 2minnə təşkilat bə hisob omeydə ki de 57 qılə kişvər uzv bey vositə, 4 qılə qitəonku vey, çəy hevujətie.
