Tehroni cımə nımoji xətib: həmonə universiti ki de şəhidon xuni icod bıə, bə inğilob zərbə əjən ni
Tehroni cımə nımoji xətib: universition ki de şəhidon xuni icod bıən hiç faxt bə inğilobi zərbə nibəjənın.
Tehroni cımə nımoji xətib, Huccətul İslom Kazım Seddiği de Azərə manqi 16 minnə ruj (Dekabrə manqi 7) , yəni universiti tələbəon yol qətey bəpeşt bə bəzi universitionədə oxonə be ehtıroməti kardey işorəş karde iyən votışe: universition de şəhidon xun iyən nom təsis bıən çən çəvonədə ım hodisəon bə inğilob zərbə varid nibəkay.
Tehroni cımə nımoji xətib ijən votışe: çımiku bəpeşt ki Amerkə, kişvəri həmmə koon əcumlə ərtış, mədəniyətiku tosə beynəlxalğ iyən nımoyəndəon vıjniye ıştə sultədə qətəş be, universiti tələbəon hərəkət, İslomi boydəği rostışon kardə iyən ım ki çand nəfər çand qılə hodisədə, bə universiti be əhtıroməti kardən, jıqo hodisəon bə inğilob zərəbə varid nıko, boçi ki universiti həmişə viloyəti boydəği jintonədə bəştə universiti tələbəon məsuliyəton əməl kardedə.
Tehroni cımə nımoji xətib ijən Həzrəte Zeynəb(s) vilodət təbrikış votışe iyən tib dodo ruji yolqətey bəpeşt votışe: Həzrəte Zeynəb(s) vey saxtə təhdidon iyən bıhranon bə vey çokə fırsəton əvəzış kard.
Huccətul İslom Kazım Seddiği Tehroni cımə nımoji xotbəon dəvomədə əlovəş karde: 43 sor bəbe ki İron İslom Respublika həmmə şəytoni iyən istikboriyə ğudrəton vədə ki deştə həmmə nakonəon iyən mırəkkəbə imkanaton bə təhdid kardey məşğulim muğavimətış kardə iyən əvon həmişə məğlub bıən.
Tehroni cımə nımoj ijən təsdiğış karde: İroni millət həmmə istikboriyə təhdidon bə fırsət əvəzış karde boçiki ım millət etığadış heste ki həmmə millət qıləy ruf, qıləy ağılmandə ğıvvə iyən qıləy be ğərorə dıli soybin.
Huccətul İslam Seddiği ijən de İron İslom Respublika ərtışi dıyo ğıvvə ruji təbrik votey əlovəş karde: muğəddəsə mudafiə dıvronədə, dıyo ğıvvə bəesi canqi maşini məhvış kardə iyən tosə ımruj bənə qıləy bəji, əktiv iyən bə nav şey cəhbəy.
