İronədə bıə Ermənistoni səfir: 2 qılə kişvəri ticori rabitəon mınosibə səthədə ğərorış qətə.

İronədə bıə Ermənistoni səfir de 2qılə hamsuyə kişvəri iğtisodi rabitəon inkişofiku ıştə rizoyəti nışoş do iyən votışe: İron və Ermənistoni miyono ticori mıbodiləon vey çokə səthədə ğərorış qətə.

Bə İrna raporti əsos, İronədə bıə Ermənistoni səfir Arsen Avakiyan Razi nomo bıə alkoqol iyən həmyozinə həmi şirkətiku vundemoni cərəyonədə tələbış kardə ki bəpe bə Ermənistoni kişvər Xuzıstoni istehsoli həmyozinə həmi məhsulon ixracati mığdor əlovə bıbu.

İronədə bıə Ermənistoni səfir ijən əlovəş karde: dəvardə sorədə,bə Erməniston səmt, ım şirkəti həmyozinə həmi ixracat 450 ton be ki xorək sənaye baxşədə 2 qılə kişvəri iğtisodi mıbodiləon çokə səthi nışonəy.

Avakiyan ijən votışe: bə 2tərəfi həmkoətion əsos, bə Ermənistoni səmt, Razi nomo bıə alkoqol iyən həmyozinə həmi şirkəti həmyozinə həmi məhsuli ixracati mığdor əlovə bəbe.

İronədə bıə Ermənistoni səfir 2 qılə kişvəri həmkoətiro bə veyə zərfiyəton işorəş karde iyən ıştə umo nışoş do ki vey rə Ermənistonədə Razi nomo bıə alkoqol iyən həmyozinə həmi şirkətiro mınosibə ticori şərik icod və həmkoətion əlovə bəbe.

De İron və Ermənistoni diplomatiya rabitəon icod kardey 30 minnə  sorəqardışi həmzəman, İronədə bıə Ermənistoni səfir iyən çəy bə ico bıə heyət bə İroni ğərbi cənub, Xuzıston səfərış kardə.

İroni cənub ğərb, Xuzıston ostani mərkəz, Əhvazi cənub, Razi nomo bıə alkoqol iyən həmyozinə həmi şirkətədə, har sor təğribən 10 həzo ton həmyozinə həmi iyən 33 milyon litr istehsol bəbe.