Tehroni Cımə nımoji xətib: sionist rejim, beçorə, be peşt və zəifəti şərayitədə ğəror qətəşe
Tehroni Cımə nımoji xətib votışe: ımsori Ğuds beynəlxalğə ruji aksiya dəvardə soronku farğış be boçi ki sionist rejim, beçorə, be peşt və zəifəti şəroyetədə ğəror qətəşe.
Tehroni cımə nımoji xətib, Huccətul İslom Muhəmməd Cəvad Hac Əli Əkbəri İslomi həmmə şəhronədə bə Ğuds beynəlxalğə ruji ğəhrəmonəti və hərorətinə ruji bərpo bey işorəş karde iyən votışe: ımsor İslom dınyo, fərğinə Ğuds ruji təcrubəş kardə, ım chətiku ki hiç vaxt, sionist rejim anədə beçorə, be peşt və zəifəti şəroyetədə ğəror qətə nıbe ki ıstə ğərorış qətə.
Əlovə bə ım muğaviməti cəhbə əktiv, və ıştə pikədəy.
Zinə cımə, mubarək rəməzanə manqi 23 iyən Ğuds beynəl xalğə ruje və təğribən İroni 900 qılə di iyən şəhronədə anti israil aksiyaon bə həminə mınosibəti xoto bərpo bino bıə.
1358 minnə sorədə, İroni islamiyə nizomi yolə memor, Həzrəte İmom Xomeyni(r), bə dınyo həmmə mısılmonon vığandə qıləy mesajədə Rəməzan mıborəkə manqi oxonə cımə ruji bənə Ğuds beynəl xalğə ruji nom noşe.
Im tədbiriku hədəfi, Fələstini sıtəm vində məzlumə millətiku himoydorəti, Sionist be ğanunə rejimi cinoyəton iyən təhdidon vədə Ğuds intifozə zumandəti, bə ın rejimi ələyh cəhbə təşkil doey, israili məhv kardero lozimə zəminəon icod kardey iyən bə məzlumə Fələstinıjon komək kardeyro mısılmonə milləton vəhdət elan bıə.
Tehroni Cımə nımoji xətib Rəməzon mubarəkə manqiku istifodə kardey fəzilətədə xusudi tosə ım manqi baği mandə rujon barədə votışe: Rəməzon mıburəkə manqi baği mandə rujon, Ğədr şəvon erjonku kam ni və bəpe ım şəvonku vey istifodə bıkəmon.
Huccətul İslom vəlmuslemin Əli Əkbəri 1402 minnə sori şuari barədə yəni "inflasiya vəy qətey və istehsoli inkişof doey" barədə votışe: İslomi İnğilobi Yolə Rəhbəri nəzəku kişvəri iğtisod bə millət aspardey vey muhimmə hələkə roy bə hisob omeydə.
İslomi İnğilobi Yolə Rəhbər, Həzrəte Ayətullah Xamenei, bə Hicri Şəmsi 1402 minnə sori bino bey mınosibəti xoto, qıləy mesajədə, ımsori şuar "inflasiya vəy qətey və istehsoli inkişof doey" elan kardəş be.
Tehroni Cımə nımoji xətib ıştə sıhbəton dəvomədə bə hicobi məsələ işorəş kardə və votışe: de həyo jimon, ictimai səlomət və ictima əxloği əmniyyət əcumlə ictimai təğva məşhurə nımonəonkue.
Tehroni Cımə nımoji xətib ijən əlovəş karde: islomi hicobi barədə, deşmonon plan kəşə bərnoməon əks, de İroni ictima dini şəxsiyəti stabiləti mane xususi xanımon və kinəon ictima dim bə dim bıən anədə ki ım məsələ barədə kamə hicobi xanımon həm etıroz kardışone.
