Tehroni cımə nımoji xətib bə İslomi İroni ələyh, kişvəron ittifoğədə Amerkə məğlubiyəti, İlahi komək elaış kardə və votışe: şəri huccət və vəlie əmre musleminiku itoət kardey, Xıdo koməki nışonəy.

Tehroni cımə nımoji xətib, ayətullah Seyd Əhməd Xatəmi bə Suriyə İron İslom Respublika prezidenti səfə işorə və əlovəş kardə: ım səfə, bə muğaviməti ğoymə cəhbə co qılə təyidiyə səfə bə hisob omeydə. xususi ım ki sonist rejimi vədə, muğaviməti iminnə xətədə, Suriyə ğərorış qətə.

Ayətullah Xatəmi ijən təsdiğış kardə: İslomi İroni prezdentiku Suriyə milləti fovğuladə xoş omey, həğiğətədə,, İroni milləti ğədrdonəti kardey və 2qılə milləti miyono nığılə rabitəon və çəvon məzluçiyəti devrədə, İroni milləti himoyəonku çəvon ğədrdonəti nışo dodə.

Tehroni cımə nımoji xətib ijən təsdiğış kardə: həmmə baxşonədə, İron və Suriyə rabitəon nığıləti nışoş do ki sionist rejimi vədə, İslomi İnğilobi Yolə Rəhbəri tovsiyə bə muğaviməti dəvom doey nəticə doşe, boçi ki xarıcədə həmmə kişvəron Suriyə mığubilədə bin əmmo yeqanə kişvər ki Suriyə kənoədə muğavim be, İslomi İron be.

İron İslom Respublika prezident bə Suriyə prezidenti rəsmi dəvəti əsos, de ali heyəti bə ico bə Dəməşğ varid bıə be.