İroni enerji vəzi de Suriyə ovi mənbəon vəziri vindemonədə bo Suriyə kişvəri elektirikə və ovi sənaye tojə və təmir kardeyro iştırok kardey ıştə hozzı bıeyş elan kardışe

Mehrabiyan: İron bo Suriyə elektirik iyən ovi sənaye təmir və tojə kardeyo iştırok kardeyro hozzı.

İroni enerji vəzi de Suriyə ovi mənbəon vəziri vindemonədə bo Suriyə kişvəri elektirikə və ovi sənaye tojə və təmir kardeyro iştırok kardey ıştə hozzı bıeyş elan kardışe.

Bə İrna raporti əsos İroni enerji baxşi vəzi Əli Əkbər Mehrabiyan de Suriyə ovi mənbəon vəzir Təmam Rədi vindemonədə ovi Beynəl-Xəlğə 3 minə iclosi kənoədə ki, İraği paytəxt Bəğdaddə bərpo be votışe: İron hozzı ıştə teknkə və ixtisodi zərfiyəton Suriyə məmləkəti ixtiyorədə bınə.

Mehrabiyan bə Suriyə İroni prezdenti dəvardə rujon səfə həmkoətion icra kardeyo omidəvon mandeədə əlovəş ka: Suriyə xəyli ovə mənbəon və ğədimiku aqrar sənayeş bıəy və İron hozzı ovə kanali soteyro ıştə təcrobəon Suriyə ixtiyorədə ğəror bıdə.

İroni enerji vəzir votışe: muhimmə məsələ ıme ki, suriyə tojə kardey bə muhimmə koon əsos bıbo ta bıznon co baxşonədə inkişof bıkən.

Təmam Rəd həm bə İroni ın doə nəzə və beşi iyən izahış ka de İroni xususiyə baxşi Suriyədə dı ğılə ovi təmiz karde mərkəz soxtey mığovilə imza bıəy.