Kişvəri vəzir: deşmoni həmmə cəhdon, inğilob iyən İmom Xomeyni(r)-i hədəfon zəif kardeye
İron İslom Respublika kişvəri vəzir, Həzrəte İmom Xomeyni(r)-i yolqətey ğərorqoh həmohənqi iclosədə təkidış kardə: deşmoni həmmə cəhdon, inğilob iyən İmom Xomeyni(r)-i hədəfon zəif kardeye.
İşəmbə rujədə, Həzrəte İmom Xomeyni(r)-i yolqətey ğərorqoh həmohənqi iclos de kişvəri həmmə ostandaron və təşkiloton nımoyəndəon iştirok de virtual surət bərpo bıə.
Im iclosədə, təyin bıə ki mərosimi məxsusə kumitəon əcumlə trafik, əmniyyəti və səhiyyə kumitəon bəpe ıştə həmmə imkonaton bə meydon boənən.
Bə İrna raporti əsos, Həzrəte İmom Xomeyni(r)-i yolqətey ğərorqoh həmohənqi iclosədə kişvəri vəzir, Əhməd Vəhidi bəyonış kardə: tərkibi canqədə deşmon ıştə həmmə cəhdon bə İmom Xomeyni(r) hədəfon və inğilobi zəif kardey təmərkoz kardə. əv ijən votışe: Həzrəte İmom Xomeyni(r)-i yolqətey mərosim İslomi inğilobi torixədə qıləy vey muhimmə koe.
Vəhidi ijən bə İmom Xomeyni(r)-i milləti meyl və İroni İslomi Respublika yolə təsisəkə sorəqardışi mərosimədə har sornə çand milyon nəfəri iştirok qıləy siyosi, mədəni və milli yolə hərəkət zınəşe və əlovəş kardə: bəpe ım fırsətiku istifodə kəmon.
