Pars Today

İron İslom Respublika ləşkəri həmmə komandir təkidış kardə: bə Məcid həvo bə həvo rəket, kərar dronon əlovə bey bə həvo mudafiə ğıvvə çəşəçi zumandəti əlovəş bəkay.

Imruj İşəmbə, bə İron İslom Respublika ləşkəri həvo mudafiə ğıvvə vahidon, bə Məcid rəket silohinə kərar nomo droni həvo qrupon əlovə bey mərosim bərpo bıə.

Kişvəri marzi həmmə tanqəonədə, bə mudafiə məntəğəon canqi zumandə həvo mudafiə kardeyro, bə Məcid rəket, çand da qılə dron silohinə kərar de Ləşkəri həmmə komandir Seyd Qeneral Əbdul Rəhim Musəvi və həvo mudafiə ğıvvə komandir Qeneral Əlirıza Səbahifərd və çand nəfər ləşkəri rəsmi şəxson iştiroki əlovəş kardə.

Kərar nomo dron, silohinə ğıvvon mudafiə və himoyə vəzorətxonə iyən İron İslom Respublika həvo mudafiə ğıvvə həmkoəti nəticəy.

Məcid mudafiə rəket ki Rəsul planədə hədəfon ğəror doeyro, istifodə bıə, bə 2 surət,yəni termal və vizual surət, təğib kardedə və ım qıləy bumiyə muvəffəğiyətonku bə hisob omeydə.

Bə Yjc aqentiyəti raporti əsos, lmruj Xatəmol Ənbiya(s) əfsəri universitədə, bə Məcid rəket çand da qılə silohinə kərar dron əlovə bey mərosimi kənoədə, ləşkəri həmmə komandir, Qeneral Seyd Əbdul Rəhim Musəvi votışe: çand mıddəti ko, cəhd, plan və plan kəşey bəpeşt, ımruj İron İslom Respublika ləşkəri həvo mudafiə ğıvvə zumandəti inkişofiku co qılə mərhələ şoydimon.

Ləşkəri həmmə komandir ijən əlovəş kardə: çand mıddəti bənav ım ehtiyoc hiss bıə ki bəpe qıləy droni soy bıbəmon ki de İroni daxıli alimon və eksperton vositə soxtə bıbu.