Bo İroni prezidentəti səçınədə dovtələbon və namzədon nomi ğeyd kardero, i minə rujədə 130 nəfər ıştə nomi ğeydışon kardə.

Apr 12, 2017 15:00 Asia/Tehran

İronədə prezidentəti 12 minə dıvrə səçın Mayə manqi 19 ədə bərpo bəbe.

İroni 12 minə dıvrə prezidentəti səçınədə mərkəziyə kamissiya sərkatib çın dıvrə riğabətonədə ijən bo nomon ğeyd kardero i minə rujədə 130 nəfəri nomi ğeyd kardeku xəbəş do.

Bə İroni İrib raporti əsos Əli Purəli Mıtləğ bə nomi ğeyd kardə bıə dovtələbon işorəş kardə ijən votışe: 130 nəfəriku 6 nəfər jen həm hestin.

Ğeyd bıkəmon ki bo İroni prezidentəti 12-nə səçınədə iştirok kardero namzədon və prezident bey xoto dovtələbon nomi ğeyd karde proses zinə sıbiku binə bəy ijən detosə Şəmbə dəvomış heste(5 ruj).

Dovtələbon bəbe Tehronədə ijən kişvər vəzarətxonədə bıə mərkəziyə intixabatiyə kamissiya vırədə ıştə nomi ğeyd bıkən.

İronədə prezidentəti 12 minə dıvrə səçın şəhron və diyon 5 minə dıvrə səçıni həmzəman Mayə manqi 19 ədə İroni həmmə vırəonədə bərpo bəbe.