Pars Today

İslomiyə inğilobi yolə rəhbəri, milləti problemon həl kardeyu dənımandə holətədə fəaliyyət, nığıl və ciddiyə sorətədə bə daxiliyə ğıvvon etığod, ruşinə holətədə ıştə dini və inğilobiyə siyasəton bəyon karde, onıqıne,məyus nıbe, xariciyə siyasətədə bə həmkoəti və izzətmandi diğğət doe, yolə planon bə nəticə rosneyu cəhd, pərhizqarəti və səbr iyən mənəviyyət və zikr və təvəssul kardeş şəhid Rəisi şəxsi iyən ko və fəaliyyətdə bıə xosiyətonkuş zınə.

İslomiyə inğilobi yolə rəhbəri Həzrət Ayətullah Xamenei zinə İron İslam Respublika prezdenti koon icro əkə və 13 minnə devləti  heyəti uzvon vindımonədə təkidış karde şəhid Rəisi bənə qıləy olqo nışonış do karde bəbe bənə məmləkəti prezdent fikri, dıli iyən əməli  məcmuə xosiyətonku bəhrə bıbən və əy əmələdə təğib bıkən.

Həzrət Ayətullah Xamenei ım vindımonədə ki 13 minnə devləti uzvon oxonə vindımon be , 13 minnə devlətış ko və ommid iyən hərəkəti devlətış zınə və votışe: şəhid Rəisi həğiğətən ommid və bə həğ, bə tale mısbət və çokə nəzərış hest bı və bə təin kardə hədəfon rəseyu ciddiyə ğərolış hest bı.

Yolə rəhbəri, şəhid Rəisi barzə xusiyəton bəyon kardeədə,  hıjo milləti miyonədə beş qıləy ve muhimmə xusiyət və həmmə məsul şəxsonru qıləy həğiğəti olqoş zınə və votışe: Rəisi bə millət ehtırom nodə be və milləti miyonədə iştirok kardeədə həğiğəti və ehtiyoconku aqah bedə be və milləti  problemon həl karde və çəvon ehtiyocon təmin karde ıştə bərnaməon və fəaliyyəton mehvər ğəror dodə be.

İslomi inğilobi yolə rəhbəri, nığılə sorətədə bə daxiliyə zərfiyyəton və ğıvvə bovə pəydo kardeş şəhid Rəisi barzə xusiyətış zınə və votışe:Rəisi ve ciddi və nığıl məmləkəti problemon həlliyu bə daxiliyə zərfiyəton və ğıvvə bovəş hest bı.

Həzrət Ayətullah Xamenei əlovəş karde icro əkə ğıvvə rəis  fikri, dıli və əməliyə fəziləton məcmuəku bəhrə barde bəzne və çəvonku hakimiyyəti və şəxsiyə fəaliyyətonədə istifadə karde bəzne.

İslomiyə inğilobi yolə rəhbəri devlət heyəti uzvonku de şəhidə prezdent həmroəti və həmkoəti kardeyu ğədrdanətiş karde və votışe: əqər devləti həmmə uzvon həmkoəti bə nəbi, ım fəaliyyəton mumkin nəbin.