Tehroni cumə nımoji xətib:yəmənıjon de be pilotə təyyarə bardə hucum bə sioniston qıləy çəşnavi be
Tehroni cumə nımoji mıvəğğətə xətibi votışe yəmənı bə telaviv bardə hucum sionist rejimi bə Ğəzzə milləti zid vəhşiyə hucumon bə oxo rosneyu qıləy çəşnavi be.
Zinə sıb Yəmənı silohinə ğıvvon sıxanəvot Yəhya Səri de be pilotə təyyarə bə telaviv muvəfəğə hucumonku xəbəş do ım hucumədə qıləy yolə be pilotə təyyarə dıyo səmtiku jinə səviyədə bə telaviv nez bedə və israili mudafiə sistemon həmmə baxşonku dəvardeədə telavivədə bə Amerkə səforətxonə nezi qıləy bina qınedə.
Həminə cəhətdə və bə İRNA xəbon əsosi tehroni cumə nımoji muvəğğətə xətib huccətul islam seyd Muhəmməd Həsən Əbuturabifərd bə yəmənı ənsarullah ğıvvon de be pilotə təyyarə bə telaviv bardə hucumiku işarəş karde və votışe: Yəmənı ğıvvon ki de Amerkə rəhbərəti istikbariyə dınyo cinayəton vədə mandən islomiyə ommətiyu heysiyyət iyən coqlə abroşon xəlğ karde.
