Pars Today

İslomi inğilobi yolə rəhbəri, prezdenti hıkmi imzo karde mərosimış, veyə erjış bıə kitobi oxonə səhifəş zınə ki ironi millət 14 minnə vıjnımonədə məsul şəxson, milləti məcmuə fəxronədə əbədişon karde.

İslomi inğilobi yolə rəhbəri, prezdenti hıkmi imza karde mərosimış, veyə erjış bıə kitobi oxonə səhifəş zınə ki ironi millət  14 minnə vıjnımonədə məsul şəxson, milləti məcmuə fəxronədə əbədişon karde.

Bə İslomiyə inğilobi yolə rəhbəri dəftərxonə məlumat ərosnə mərkəzi eloni əsosi Həzrət Ayətullah Xamenei zinə İron İslom Respublika 14 minnə prezdenti hıkmi imza və təğdim karde mərosimədə iyən rəsmiyə sorətədə ironi vıjniyə bıə prezdenti fəaliyyəton bino beədə 14 minnə vıjnımoni bərpo kardeş qıləy muhimə imtivonədə milləti muvəfəğiyyətış zınə.

Yolə rəhbəri ommidvarətiş karde vıjnımoni şinə nəticə ironi milləti qəvədə his bıbo və məmləkətdə cariyə sorətədə milləti  ğərolədə həmmə koon əncom beş islomiyə inğilobi bə millət hədiyəş zınə və votışe: dəvardə 40 çand sorədə çandə 10 qılə vıjnımon de rəğobət, səloməti və milləti ciddiyə huzuri iyən niyyəti bərpo bə ki əlbətdə qah , iştirok bəpe və qah kam bə əmmo 1 minnə dərəcədə bıə əhəmmiyyət, milləti niyyət bə ki həmmişə vocodış bə.

Həzrət Ayətullah Xamenei dəvomədə kəlanə məsəlonədə ixtisadiyə fəaliyyəton dəvomış mincumlə milliyə puli erj, istihsol, sərmayə noe, kəsb-ko çok karde və milləti jimoni çok kardeyu təcili və kırtə zəmanədə fəaliyyətonış zərori zınə və məmləkəti məsul şəxson və mucrionış bə daxiliyə ğıvvon və zərfiyəton ğədri zıne iyən çəy peşt pur mande sıfarışış karde.

Yolə rəhbəri bə məsul şəxson xitob təkidış karde, dınyo səviyədə har qılə çok və şərofətinə ko ki karde bəznen əncom bıdən əmmo daxiliyə ğıvvə və çəvon zumandətionku ğafil məbən.

İslomi inğilobi yolə rəhbəri işarəş karde dınyo və məntəğə ittifağonku ğəflət karde cayiz ni və əlovəş karde har hadisə vədə məmləkəti siyasəton oşko, ruşin və de mətanət elon bıkən ta dınyo islomiyə ironi bızno.

Həzrət Ayətullah Xamenei xariciyə siyasəti əsosə məsələon bəyonədə ironi veyə hamsuyən be emtiyaziku işarəş karde iyən de hamsuyan rabiton zumand kardeyu ciddiyə fəaliyyətonış zəruri zınə və votışe:xariciyə siyasəti coqlə əsosə məsəlonku bənə Afrika və Asiya məmləkətonədə rabitə bərpo kardeye ki karde bəzne ironi diplamatikə meydoni hevoj karde.

İslomiyə inğilobi yolə rəhbəri əlovəş karde ım ki xariciyə siyasəton əsosə məsələon miyonədə, avropaiyə məmləkətonku nomış bardə ni, mıxalifət və deşmenəti karde mənoədə ni, bəlkə boçimi xotoye ki əvon de ironi kali məsəlon bənə sanksiya, nat, pesoxtə bə məsəlon mincumlə insonə həxon barədə, çokə rəftorışon bə ni, və əqər ım bevəcə rəftorışon bə nəbi əloğə dəvon həm İron İslom Respublika əsosə fikonku əbi.

Həzrət Ayətullah Xamenei ıştə bəyonoti oxonə baxşədə Ğəzzə məsələş qıləy beynəlxalğə məsələş zınə və əlovəş karde Fələstin 1 ruji sırf islom dınyo məmləkəton məsələ be , əmmo ımruj qıləy umumi və beynəlxalğə məsələ bə  və bə Amerkə kanqıresi daxil bə iyən İ bə milləton təşkilot, olempik və həmmə sahon dəkırniyə bə.

Yolə rəhbəri bə mığaviməti dəvomış bıə ğıvvə inkişofi işarəş karde və dəvomədə votışe:sioniston de Amerkə həmmə koməkon iyən kali xainə devləton karde nıznəşone mığavemətı ğıvvon məğlub karde və çəvon elon bıə hədəf həması rişə pevateyu bə nəticə nırədə, və Həmas, Cihad iyən Mığavimət de komilə ğıvvo mandən.

İslomiyə inğilobi yolə rəhbəri, Amerkə kanqıresi 2 ruj çimi bə nav hərəkətış, qıləy cinayətkarə sionisti qəpon məseyu, yolə nənqinə ləkəş zınə və təkidış karde, dınyo bəpe Ğəzzə hadisə həxədə bə ciddiyə ğərol bo və devləton, milləton və siyasi iyən fikriyə şəxsiyyəton, mıxtəlif baxşonədə bəpe qıləy ko əncom bıdən.